2017 جىلدىڭ وكىلدىك تسيفرلارى. فوتو: VideoBlocks.

2017 جىلدىڭ ەلەۋلى وقيعالارىن BBC سان-تسيفرلارمەن بەينەلەيدى:

37993

قاڭتار مەن جەلتوقسان ارالىعىندا اقش باستاعان حالىقارالىق كواليتسيا ءسۇريا مەن يراك جەرىنە قاراتىپ 37 مىڭ 993 دانا بومبا اتىلعان. بۇل ەلدەردەگى تەررورلىق توپتارعا رەسەيدە اۋىق-اۋىق اۋە شابۋىلىن جاساپ تۇردى. الايدا ولار، شابۋىلدارىنىڭ سانى تۋرالى مالىمەت بەرمەدى. شابۋىلداردان ولگەندەر سانى تۋرالى تەكسەرۋلەر ءالى دە جالعاسۋدا. دەسە دە اقش باسقارعان حالىقارالىق كواليتسيا مەن رەسەي قارۋلى كۇشتەرىنىڭ شابۋىلدارىنان كەيىن يراك پەن ءسۇريا جەرىندەگى «يسلام مەملەكەتى» سودىرلار توبى كۇيرەگەنىنە كوز جۇما المايمىز.

127

يندونەزياداعى جانارتاۋلاردىڭ اتىلۋى بيىل ءبىر جىل ىشىندە 127-گە جەتتى. بۇل الەمنىڭ بارلىق جەرىندەگى جانارتاۋلارمەن سالىستىرعاندا دا وتە كوپ.

1700 000

«تۆيتتەردە» 1 ملن 700 مىڭ قولدانۋشى #MeToo حەشتەگىن قولدانا وتىرىپ، جىنىستىق قۋدالاۋ جانە زورلىققا قارسى تۇراتىنىن بىلدىرگەن. بۇل شاراعا الەمنىڭ 85 ەلىنەن ايەلدەر قاتىسقان.

812 فۋتبول الاڭى

انتاركتيداداعى مۇزدى تاۋلاردان اسا زور كولەمدى مۇز ءبولىنىپ شىقتى. بۇل وسى جىلداعى عالامدىق جىلىنۋدىڭ ەڭ ءبىر كورنەكتى ناتيجەسى رەتىندە باعالاندى. ءارى، ونىڭ كولەمى 812 فۋتبول الاڭىنا تەڭ بولعاندىقتان، 12 الەم چەمپيوناتىن ءبىر ۋاقىتتا وتكىزۋگە بولادى دەپ سيپاتتالدى.

44 تەمەكى

ءۇندىستاننىڭ باس قالاسى جاڭا-دەليدەگى قاراشادا بولعان اۋانىڭ لاستانۋى الەمدەگى ەڭ جوعارى شەككە جەتتى. ماماندار سول كۇنگى اۋانىڭ لاستانۋى ادام دەنساۋلىعىنا تىنىس الۋعا مۇمكىن ەمەس ەكەنىن، ءبىر رەتتە 44 تەمەكىنى ارت-ارتىنان شەككەنمەن بىردەي زيان بولاتىنىن ايتقان. الەمدەگى اۋاسى لاستانعان الدىنعى 20 الىپ شاھاردىڭ 10-ى ءۇندىستاندا.

1600 پايىز

2017 جىلى بيتكويندەرگە سۇرانىس 1600 پايىزعا دەيىن ارتىپ، جەلتوقسان ايىندا 20 مىڭ دوللارلىق شەككە دەيىن جەتتى.

60 ملن وليمپيادالىق باسسەين

تامىزداعى حارۆي داۋىلى 150 تريلليون ليتر سۋدى تەڭىزدەن اقش جەرىنە شىعاردى. اگەنتتىكتەردىڭ ەسەبىنشە مۇنداي كولەمدەگى سۋعا 60 ملن وليمپيادا كولشىگىن تولتىرۋعا بولادى ەكەن.

17 «تانىمال ءولىم»

باتىس ەلدەرىنىڭ باق-ى كورسەتكەندەي، بيىلعى جىلى كوز جۇمعان الەمگە تانىمال ادامدار سانى بىلتىرعىدان كوبىرەك. ولاردىڭ مالىمەتىنشە بيىل الەمگە تانىمال 17 ادام قازا تاپقان. ايتالىق، Playboy جۋرنالىنىڭ نەگىزىن قالاۋشى حيۋ مارستون حەفنەر، امەريكالىق كوميك دجەرري ليۋيس، ميللياردەر دەۆيد روكفەللەر، مۋزىكانت توم پەتتي، پيانيست فەتسوم دومينو قاتارلىلار بار.

“The Qazaq Times”