Foto: 24tv

«Facebook» kompaniyası Şeşenstan prezidenti Ramzan Kadırovtıñ paraqşasın ne üşin bwğattağanın tüsindirdi.

«Facebook» kompaniyasınıñ basşılığı özderiniñ ne üşin bwnday qadamğa barğanın AQŞ ükimetiniñ Ramzan Kadırovtı «Magnitsk tizimine» engizuimen tüsindirgen. Kompaniya basşılığı taratqan mälimette: «Biz atalmış akkaunttıñ AQŞ aumağında jüruge tıyım salınğan azamatqa tiesili ekendigin bildik. Oğan AQŞ ükimeti jariyalağan sauda-ekonomikalıq sankciyalar äser etetin bolğandıqtan «Facebook» bwl akkaunttı zañ ayasında bwğattauğa mindetti» - delingen.

Esteriñizge salayıq, Ramzan Kadırovtıñ Facebook jäne Instagram äleumettik jelilerindegi jeke paraqşaları jeltoqsan ayınıñ 23-i küni joğalıp ketken. Kadırovtıñ özi bwğan «AQŞ biliginiñ jasağan isi» degen bağa bergen. Jalpı Ramzan Kadırov äleumettik jelilerdi belsendi paydalanatın prezidentterdiñ qatarına jatadı. Onıñ Facebook jäne Instagram paraqşalarında bwğattalğanğa deyin 4 millionnan astam oqırmanı bolğan.

“The Qazaq Times”