Foto: lapresse.ca

Germaniya Ükimeti ötken jılğı terrakt qwrbandarınıñ jaqındarına layıqtı qoldau körsetilmegenin eske alıp, qoğamdıq qater tuğızğan oqiğa kezindegi birneşe olqılıqtı moyındadı. Angela Merkel' bastağan bilik ökilderi jergilikti halıqpen kezdesip, terrakt qwrbandarına arnalğan eskertkişke gül şoğırın qoydı. Bwl turalı AFP aqparattıq agenttigi jazdı. 

Ötken jılı Breydşteydplatcta tunistik bosqın Anis Amri Rojdestvo qarsañında qwrılğan merekelik bazarlardıñ birine qaray jük köligin bağıttap, nätijesinde 12 adam qaza tauıp, 70-ke juıq beybit twrğın jaralanğan bolatın. Osı terroristik oqiğadan soñ, Angela Merkel' jaqındarın joğaltqan otbasılarmen jeke baylanısqa şığıp, köñil aytpağanı, al memleket qauipsizdik şaraların dwrıs wyımdastırmağanı üşin sınğa alınıp edi. Mäselen, halıqtıñ bir böligi qayğılı oqiğağa 2015 jılı Germaniyağa kelgen, ärtürli atpen tirkelip jürgen terrorşınıñ der kezinde deportaciyalanbağanın sebep dep tapsa, juırda Welt am Sonntag basılımı memlekettiñ Anis Amridiñ barlıq küdikti  äreketterinen habardar bolğanın, onıñ özge sıbaylastarın anıqtau üşin bostandıqta qaldırğanın jazdı.

Germaniya Prezidenti Frank-Val'ter Ştaynmayer: "Sizder özderiñizdi memleket qayğımen jalğız qaldırıp ketkendey sezingenderiñizdi bilemin", - dedi. Angela Merkel' terrakt qwrbandarın eske alu jiınında jaña memorialdıñ twsauın kesti. Bıltırğı qandı oqiğa qwrbandarınıñ esimderi jazılğan eskertkiştiñ aldında twrıp ol: "Bügin tek mwñayatın kün ğana emes, bizdiñ bwrın dwrıs jwmıs istemegen dünielerdi qayta qalpına keltirgen erik-jigerimizdiñ jandanğan küni", - dedi.

“The Qazaq Times”