Foto: aikyn.kz

2017 jılğı 14 jeltoqsanda QR Wlttıq kitaphanasındağı Ermek Twrsınov kinoklubında «Qazaq enciklopediyası» baspasınıñ 50 jıldıq mereytoyına arnalğan «Wlt ruhın jañğırtqan jartı ğasır» attı konferenciya ötti. Konferenciya barısında «Qazaq enciklopediyası» attı anıqtamalıq pen «Mäñgilik el» fotoal'bom jinaqtarınıñ twsauı kesildi.

«Qazaq enciklopediyası» enciklopediyalıq anıqtamalığı – jalpı qazaq baspalarınıñ tarihında baspa jetistikterinen, tarihınan aqparat beretin twñğış basılım. «Mäñgilik el» fotoal'bomı 2017 jılı ötken «EKSPO» körmesinde Gran-pri jüldesin jeñip alğan baspa önimi.   Konferenciyağa QR Mädeniet jäne sport ministrliginiñ ökilderi, Almatı qalası äkiminiñ orınbasarı, QR Wlttıq kitaphanasınıñ direktorı Janat Twrarwlı Seydumanov, QR Wlttıq Kitap palatasınıñ direktorı Älibek Asılbaywlı Asqarov, QR Wlttıq Ğılım akademiyasınıñ akademigi, filosofiya ğılımdarınıñ doktorı, professor, Qazaqstan Respublikası Bilim jäne ğılım ministrligi Filosofiya institutınıñ dintanu jäne sayasattanu komiteti direktorınıñ keñesşisi Äbdimälik Nısanbaywlı Nısanbaev, QR Bilim jäne ğılım ministrligi Ğılım komiteti Memleket tarihı institutınıñ direktorı, Tarih ğılımdarınıñ doktorı, professor Bürkitbay Ğelmanwlı Ayağan, Qazaq wlttıq universiteti rektorınıñ ğılımi keñesşisi, Qazaqstan Respublikası Wlttıq Ğılım akademiyasınıñ korrespondent müşesi, filologiya ğılımdarınıñ doktorı, professor Bauırjan Ömirjanwlı Jaqıp, olardan da bölek bir kezderi baspağa avtor bolıp qatısqan, qızmet istegen ğalımdar men memleket qayratkerleri qatıstı.

Qazaqstanda enciklopediyalıq baspa Qazaqstan Kompartiyası Ortalıq Komiteti men Qazaq KSR Ministrler Keñesiniñ 1967 jılğı 13 qırküyektegi qaulısına säykes 1968 jılı 1 qañtarda Qazaq KSR Ğılım akademiyasınıñ janınan Qazaq Sovet enciklopediyasınıñ Bas redakciyası bolıp qwrılğanı belgili. 1993 jılı «Qazaq enciklopediyasınıñ» Bas redakciyası bolıp özgerdi. Alğaşında 12 tomdıq şığıp bolğanşa 10 jılday akademik Mwhamedjan Qarataev (1968 – 79) basqarğan wjımğa odan keyingi kezeñderde akademikter Manaş Qozıbaev (1980 – 86), Rımğali Nwrğali (1986  – 97), Äbdimälik Nısanbaevtar (1997 – 2003) jäne professorlar Bürkitbay Ayağan (2003 – 09) men Bauırjan Jaqıptar (2009 – 2015) basşılıq etti. Qazirgi kezde baspanı filosofiya doktorı (PgD) Jadıra Nwrbayqızı Toybaeva basqaradı.

Baspalar jüyesinde enciklopediyalıq ädebietterdiñ janrı, ädebi, ğılımi kriteriyi men stili, tehnikalıq jüyesi (älipbi, qısqartular, t.b.) qalıptastı. 50 jılda birneşe jüzdegen enciklopediyalıq jinaqtar jarıq körip, oqırman enciklopediyalıq aqparatpen barınşa tolıq qamtamasız etildi. Täuelsizdik jıldarı jarıq körgen köp tomdıq Wlttıq enciklopediyadan bastap, twlğalıq jäne salalıq enciklopediyalar halqımızdıñ wlttıq tanımı men ruhın köteruge ölşeusiz üles qostı.

Konferenciya barısında baspağa eñbegi siñgen eleuli azamattarğa är türli marapattartapsırıldı.Marapattardıñ arasında QR Mädeniet qayratkeri atağınan bastap, ärtürli medal'dar, Qwrmet gramotaları men Alğıs hattar bar. MarapattardıQR Mädeniet jäne sport ministrligi, Qazaqstan Baspagerleri, poligrafisteri jäne kitap taratuşılar qauımdastığı jäne «Qazaq enciklopediyası» baspası tapsırdı.

“The Qazaq Times”