M'yanma ükimeti särsenbi küni Reuters agenttiginiñ eki tilşisi Va Loun men Kiav So Oo-dı policiya twtqındağanın mälimdedi. Jurnalister Rakin ştatında äskerilerdiñ rohindja mwsılmandarın quğındağanı jöninde material äzirlegen. Bwl turalı Ortalıq Aziya jañalıqtar qızmeti habarladı.

M'yanmanıñ aqparat ministrligi Facebook-tegi paraqşasında eki jurnalistke britandıq kolonialdıq däuirinen beri bar memlekettik qwpiya jönindegi zañğa säykes ayıptalıp jatqanın mälimdegen. 1923 jıldan beri qoldanıstağı zañda 14 jılğa deyin türme jazası qarastırılğan.

Mälimdemede "jurnalister şeteldik BAQ-qa taratu üşin aqparattı zañsız aldı" delingen. Olar M'yanmanıñ bastı qalası Rangunda wstalğan.

Va Loun pen Kiav So Oo seysenbiden beri iz-tüssiz joğalıp ketken. Reuters ökildiginiñ jürgizuşisi eki jurnalisti keşkisin policiya bölimine äkelgen. Odan keyin eki tilşi men eki policiya ökili tamaqtanuğa meyramhanağa ketken. Jürgizuşi sodan keyin olardı körmegen.

“The Qazaq Times”