Photo: Sputnik Abhaziya

Germaniya astanası Berlin qalasında Qırğızstannıñ eks-prezidenti Asqar Aqaev pen onıñ otbasın jwmırtqamen atqıladı – dep habarlaydı AKIpress aqparat közi.

Jeltoqsan ayınıñ 9-ı küni Berlin qalasında Qırğızstannıñ eks-prezidenti Asqar Aqaev KyrgyzClub Germany birlestiginiñ wyımdastıruımen Germaniyada twratın qırğız diasporasımen kezdesken. Aqaev otandastarımen kezdesuge äyeli Meyram Aqaeva men qızı Bermetpen birge kelgen. Berlin köşesinde jinalğan onşaqtı qırğızstandıq Aqaevtı «Aqaev ket!» degen plakattarmen kütip alğan. Osıdan keyin Asqar Aqaev eşkimniñ swrağına jauap bermeytinin aytıp, kezdesuden ketpek bolğan. Osı sätte narazı top müşeleri Aqaev pen onıñ otbası müşelerin jwmırtqamen atqılağan.

Esteriñizge salayıq, Asqar Aqaev bilik basınan 2005 jılı revolyuciyadan soñ ketken bolatın. Onıñ ornına prezidenttik qızmetke Qwrmanbek Bakiev kelgen. Biraq ol da köp wzamay 2010 jılı kezekti revolyuciyadan keyin qızmetinen ketip, elden qaşuğa mäjbür bolğan.

“The Qazaq Times”