Foto: Gazeta

Venesuelanıñ memleket basşısı Nikolas Maduro keler jılı elde ötetin prezidenttik saylauğa oppoziciyalıq partiyalar qatısa almaytının habarladı. Ol 2018 jılı bolatın sayasi dodada jeksenbi küni ötken äkimderdiñ (mer) saylauına qatısqan partiyalar ğana baq sınay alatının jetkizdi. Aptanıñ soñğı küni bolğan äkimderdiñ saylauına Justice First, Popular Will and Democratic Action partiyaları saylaudıñ ädiletsiz ötetini  turalı aldın ala mälimdeme jasap, sayasi oqiğanıñ ortasında boludan bas tartqan bolatın. Bwl turalı VVS aqparattıq agenttigi jazdı. 

Prezident öz sözinde Venesueladağı jüye senimdi äri ädiletti ekenin ayttı. Ol sonday-aq eldegi oppoziciyalıq partiyalar sayasi kartadan joğalıp ketkenin atap ötti. Venesueladağı üş negizgi oppoziciyalıq partiya 300-ge juıq qalada ötken äkimdikterdiñ saylauına qatısudan qazan ayında bas tartqan edi. Olar saylaudıñ Nikolas Maduronıñ diktatorlığına qızmet etetinin aytqan. El biligine narazı oppozicionerlerdiñ pikirinşe, bwl saylauda da Venesueladağı ekonomikalıq jağdaydıñ kürdelenip jatqanına qaramastan, Nikolas Maduro basşılıq etetin Äleumettik partiya basım orındarğa ie boladı.

Nikolas Maduro men Oppoziciya arasındağı kelispeuşilikter Prezident köpşiliktiñ qarsılığın eskermesten öz qoldauşılarınıñ basım böligi jinalğan Wlttıq Assambleya institutın qwrğan sätten bastaldı. VVS-diñ Latın Amerikasındağı tilşisiniñ habarlauınşa, Nikolas Maduro Oppoziciyanıñ  birqatar beldi müşelerin abaqtığa japqan. Onıñ keler jılı oppoziciyanı prezident saylauına qatıstırmau turalı şeşimi ülken provokaciyalıq dauğa aynalğalı twr.

“The Qazaq Times”