Foto: Atameken Business Channel

2017 jılğı 29 qaraşada Qazaqstan Respublikası Wlttıq Bankiniñ Basqarması Qazaqstan Respublikasınıñ 2018 jılğa arnalğan aqşa-kredit sayasatınıñ negizgi bağıttarın maqwldadı, dep habarlaydı bas banktiñ baspasöz qızmeti.

Qarjı institutınıñ mälimetinşe, qwjatta aqşa-kredit sayasatınıñ 2017 jılğı şaraları, sonday-aq 2018 jılğa arnalğan nısanalı bağdarlar, sayasattıñ qağidattarı men bağıttarı qamtılğan. Aqşa-kredit sayasatınıñ şaraları inflyaciya boyınşa 4%-dan tömen orta merzimdi maqsatqa qol jetkizuge bağıttalatın boladı.

"Aqşa-kredit sayasatınıñ negizgi bağıttarında 2020 jılğa jäne odan keyingi
jıldarı inflyaciya boyınşa orta merzimdi maqsat tömen, biraq 4%-ğa juıq dep ayqındalğan. Sonımen birge inflyaciya boyınşa kelesi 2 jılğa arnalğan aralıq nısanalı ölşemder körsetilgen: 2018 jıldıñ soñında – 5-7%, 2019 jıldıñ soñında – 4-6%. Wlttıq Bank aqşa-kredit sayasatın inflyaciyalıq targetteu jäne teñgeniñ erkin özgermeli ayırbastau bağamı sayasatı rejiminde iske asırudı jalğastıratın boladı", - delingen habarlamada.

Bwdan bölek bas bank inflyaciyalıq targetteu rejimi inflyaciyanı tiimdi türde tömendetuge jäne onı bağa twraqtılığın bildiretin deñgeyde wstap twruğa mümkindik beretinin, bwl wzaq merzimdi perspektivada ekonomikanıñ ösuine oñ ıqpal etetinin aytadı.

"Inflyaciya boyınşa maqsattarğa jetu üşin Wlttıq Bank inflyaciyanıñ boljanatın deñgeyine jäne basqa ölşemderge qatıstı bazalıq payızdıq mölşerleme belgileydi. Naqtı körsetilgen bazalıq mölşerleme, yağni inflyaciyanıñ 12 ayğa arnalğan boljanatın mänin şegergendegi nominaldıq mölşerleme 4%-dan joğarı bolmaytın deñgeyde wstalıp twradı", -deydi retteuşi.

Sonımen qatar, Wlttıq Bank transmissiyalıq tetiktiñ arnaların jetildiru
boyınşa, kiristiliktiñ barabar qisığın qalıptastıru üşin jağdaylar jasau boyınşa, halıqtıñ inflyaciya jağdayın twraqtandıru boyınşa jwmıstı jalğastıradı.

“The Qazaq Times”