"Edinaya Rossiya" deputatı Vitaliy Milonov.

Resey Memlekettik Duma deputatı Vitaliy Milonov Qazaqstan, Qırğızstan jäne Belarus' wlttıq olimpiada komitetterin Reseydi qoldap, «Phençhan-2018 Olimpiadasına» qatısudan bas tartuğa şaqırdı.

«Edinaya Rossiya» partiyasınıñ deputatı Vitaliy Milonov Halıqaralıq Olimpiada komitetiniñ Reseyge qatıstı şığarğan şeşimine baylanıstı mälimdeme jasağan. Ol onda Qazaqstan, Qırğızstan, Belarus' elderiniñ wlttıq olimpiada komitetterin Reseydi qoldap, «Phençhan-2018 Olimpiadasına» qatıspauğa şaqırğan. Milonovtıñ sözinşe, Halıqaralıq Olimpiada komiteteniñ Reseydi olimpiadadan şettetuiniñ sayasi astarı bar. Bwnıñ barlığı AQŞ pen NATO elderiniñ imperialistik közqarasınıñ nätijesi.

Vitaliy Milonov Qazaqstan, Qırğızstan, Belarus'ten bölek, BRIKS-qa müşe Braziliya, Ündistan, Qıtay jäne Oñtüstik Afrika elderin de Olimpiadağa qatıspauğa şaqırğan.

Esteriñizge salayıq, Halıqaralıq Olimpiada komiteti Reseydi 2014 jılğı doping dauına baylanıstı 2018 jılı Oñtüstik Koreyanıñ Phençhan qalasında ötetin qısqı olimpiada oyındarınan alastatqan bolatın. Halıqaralıq Olimpiada komiteteniñ şeşimi boyınşa, «Phençhan-2018 Olimpiadasına» doping dauına qatısı joq reseylik sportşılar beytarap qwrama atınan ğana qatısa aladı.

“The Qazaq Times”