Foto: Radio Azattık

Nwrswltan Nazarbaev ükimetke otandıq kompaniyalardıñ şeteldegi qarjı aktivterin elge qaytarudı tapsırdı.

Industralizaciya künine oray ötkizilgen jiında söz söylegen Nwrswltan Nazarbaev qarjı aktivterin şetelderde wstaytın otandıq kompaniyalardı qatañ sınğa alıp, şeteldegi barlıq qarjını elge qaytarudı talap etken. Ol öz sözinde: «18 otandıq kompaniya 12,5 milliard dollar qarjısın şetelde saqtauda. Onıñ işinde «Teñizşevroyl» - 4,5 milliard dolların, «QazMwnayGaz» - 3 milliard dolların, «QazMwnayGaz» BÖ» - 2 milliard dolların, «Beyneu-Şımkent» - 100 million dolların, «Aziya gaz qwbırı» - 1 milliard dollarğa juıq qarjısın şetelde wstap otır. Üş ret zañdastıru boldı. Osı uaqıt aralığında bir adam qılmıstıq jazağa tartıldı ma? Tartılğan joq. Sizder şetelde saqtağan qarjılarıñızdıñ barlığın sankciya uaqıtında joğaltasızdar. Sizderge sol sätte eşkim kömektespeydi. Şeteldegi qarjılarıñızdı Qazaqstanğa alıp kelip saqtañızdar. Sizderge qanday kepildik kerek? Zañ ba, jarlıq pa? Men kerek dünieni jasap beremin. Eger bizdiñ aytqanımızdı istemeytin bolsañızdar onda onı biz isteymiz. Men ol aqşalardı basqa joldarmen qaytaratın bolamın. Biraq ol kezde ol qarjı sizderde bolmaydı. Biz sizderdiñ qarjılarıñızdı tartıp alamız degen otırğan joqpız. Osı uaqıtqa deyin memleket sizderge sol qarjını tabuğa mümkindik berdi. Al sizder onı memleketten jasarıp otırsızdar. Qazaqstan qarjısın jasarıp otırsızdar» - degen.

“The Qazaq Times”