Photo: Azattıq radiosı

2012 jıldan 2016 jılğa deyin jalaqınıñ ortaşa kölemi 67 900 teñgeden 99 100 teñgege deyin ösken. Bwl turalı QR Bilim jäne ğılım ministrliginiñ baspasöz qızmetiniñ feysbuk paraqşasında habarlandı.

"Mwğalim mamandığına degen swranıs jalaqı mölşerine qaray anıqtalatının jaqsı tüsinemiz. Bizdiñ ministrlik pedagogtar kirisin köteruge barınşa tırısıp keledi. Ärine, mwğalimniñ jalaqısına onıñ bilim sanatı, jwmıs ötili, oqu jüktemesi sekildi jäytter da äser etetini sözsiz", - delingen habarlamada.

YAğni 4 jıl aralığında mwğalimder 45,9%-ğa artıq aqı ala bastağan. Jalaqınıñ ösu qarqınına toqtalar bolsaq, 2012 jıl men 2015 jıl aralığında qazaqstandıq pedagogtardıñ aylığı 2-7%, al 2016 jılı 31,8%-ğa bir-aq arttı.

Al basqa elderdegi jalaqımen salıstırıp köreyik. Älem boyınşa mwğalimderdiñ eñ joğarğı aylıq jalaqısı Meksikada - 5695 dollar. Ekinşi orında Germaniya - 5110 dollar, AQŞ-ta - 3558 dollar. Al körşi Reseydegi mwğalimderdiñ ortaşa jalaqısı - 477 dollar (31 477 rubl'). Al osı aylıq jalaqını mısal retinde, Iphone 6s satıp aluğa jwmsap köreyik. Meksikada 7, Germaniyada 6, AQŞ-ta 5 ayfon satıp aluğa boladı eken. Al Qazaqstanda 1 gadjet satıp aluğa da jetkiliksiz.

“The Qazaq Times”