Aqtau portında «Qazaqteñizkölikflotı» kompaniyasınıñ wyımdastıruımen  «Embi» jäne «Talas»  süyretkiş kemelerin (buksir) saltanattı qabıldau räsimi ötti, dep habarlaydı Mañğıstau oblısı äkimdiginiñ baspasöz qızmeti. 

Joba «Qazaqteñizkölikflotı» üşin üş süyretkiştiñ tolıq jabdıqtaluın qamtamasız etu maqsatında «Damen»  keme jasau kompaniyası jäne  «AlHilal» Islam banki men Otandıq teñiz flotı arasında qarjılıq kelisimniñ şartına säykes jüzege asırıluda.

Üşinşi süyretkiş kemesin jabdıqtau jwmıstarı kelesi jılı ayaqtaladı dep kütilude. «Qazaqteñizkölikflotı» wlttıq teñiz keme qatınası kompaniyası su jaña quattı zamanaui buksir esebinen otandıq flot birlikterin wlğayttı.

Wzındığı 27 metr jäne eni 9 metr buksirler Soltüstik Kaspiydiñ suı tayaz aymaqtarında jüzedi. Buksirlerdiñ negizgi mindeti kemelerdi süyreu, assistenttik qızmetterdi wsınu, navigaciyalıq kömek körsetu jäne zäkirlerdi öñdeu. Wyımdastıruşılardıñ aytuınşa, «Qazaqteñizkölikflotı» jaña kemelerdi tolıqtıru arqılı damu strategiyasın  birizdilikpen jäne kezeñ-kezeñmen iske asırmaq jäne Kaspiy teñiziniñ qazaqstandıq sektorın igeru boyınşa jobalar şeñberinde wsınatın qızmetter ayasın keñeytpek.

“The Qazaq Times”