اقتاۋ پورتىندا «قازاقتەڭىزكولىكفلوتى» كومپانياسىنىڭ ۇيىمداستىرۋىمەن  «ەمبى» جانە «تالاس»  سۇيرەتكىش كەمەلەرىن (بۋكسير) سالتاناتتى قابىلداۋ ءراسىمى ءوتتى، دەپ حابارلايدى ماڭعىستاۋ وبلىسى اكىمدىگىنىڭ ءباسپاسوز قىزمەتى. 

جوبا «قازاقتەڭىزكولىكفلوتى» ءۇشىن ءۇش سۇيرەتكىشتىڭ تولىق جابدىقتالۋىن قامتاماسىز ەتۋ ماقساتىندا «Damen»  كەمە جاساۋ كومپانياسى جانە  «AlHilal» يسلام بانكى مەن وتاندىق تەڭىز فلوتى اراسىندا قارجىلىق كەلىسىمنىڭ شارتىنا سايكەس جۇزەگە اسىرىلۋدا.

ءۇشىنشى سۇيرەتكىش كەمەسىن جابدىقتاۋ جۇمىستارى كەلەسى جىلى اياقتالادى دەپ كۇتىلۋدە. «قازاقتەڭىزكولىكفلوتى» ۇلتتىق تەڭىز كەمە قاتىناسى كومپانياسى سۋ جاڭا قۋاتتى زاماناۋي بۋكسير ەسەبىنەن وتاندىق فلوت بىرلىكتەرىن ۇلعايتتى.

ۇزىندىعى 27 مەتر جانە ەنى 9 مەتر بۋكسيرلەر سولتۇستىك كاسپيدىڭ سۋى تاياز ايماقتارىندا جۇزەدى. بۋكسيرلەردىڭ نەگىزگى مىندەتى كەمەلەردى سۇيرەۋ، اسسيستەنتتىك قىزمەتتەردى ۇسىنۋ، ناۆيگاتسيالىق كومەك كورسەتۋ جانە زاكىرلەردى وڭدەۋ. ۇيىمداستىرۋشىلاردىڭ ايتۋىنشا، «قازاقتەڭىزكولىكفلوتى» جاڭا كەمەلەردى تولىقتىرۋ ارقىلى دامۋ ستراتەگياسىن  بىرىزدىلىكپەن جانە كەزەڭ-كەزەڭمەن ىسكە اسىرماق جانە كاسپي تەڭىزىنىڭ قازاقستاندىق سەكتورىن يگەرۋ بويىنشا جوبالار شەڭبەرىندە ۇسىناتىن قىزمەتتەر اياسىن كەڭەيتپەك.

“The Qazaq Times”