Foto ğalamtor betterinen alındı.

VVS aqparattıq agenttiginiñ tilşisi Lyse Doucet - Saud Arabiyasınıñ jemqorlıqqa qatısı bar degen ayıppen qwrıqtalğan hanzadaları jatqan eñ qımbat qonaq üylerdiñ biri Ritz Carlton "abaqtısına" kiruge rwqsat alğan eñ birinşi jurnalist. Memleket basşısı Mwhammed bin Salmannıñ bastamasımen paraqorlıqqa qarsı küres ayasında qolğa tüsirilgen şeneunikter men beldi sayasi twlğalar öz jazasın osı däuletti mekende ötep jatır. 

Älemdegi eñ bağalı qonaq üylerdiñ biri 4 qazannan beri "altın abaqtığa" aynaldı. Memlekettiñ qırına ilikkenderdiñ atı-jöni tolıq jariyalanbağanımen, mwnda 200-ge juıq Saud Arabiyası biligindegi salmaqtı twlğalar äkelingen. Ayıptalğandardıñ esimderi belgisiz tizimde "11 hanzada bar, olardıñ ekeui Mwhammed bin Salmannıñ jienderi" degen derek te joq emes.

VVS tilşisi öziniñ qanşama türme men bas bostandığınan ayıru orındarına barıp jürip, mwnday altınnan jasalğan "abaqtını" alğaş körip otırğanın aytadı. Mwnda qılmıskerlerdiñ qamsız ömiri üşin barlıq jağday jasalğan. Saud Arabiyasınıñ resmi ökilderi bergen aqparatqa säykes, 4 qazan küni tün ortasında osında jetkizilgen şendi twlğalar alğaşında mwnı arnayı wyımdastırılğan "şou" dep oylaptı. Keyinnen mwnda qaludan bas tartıp, qarsılıq bildirgenderi de tabılğan.

VVS tilşisiniñ sözinşe, şeneunikter bwl jerden bosap şığu üşin kelisimge keluge dayın eken. Ükimetti jappay tazartu isi nege däl qazir bastaldı degen saualğa tilşi Saud Arabiyasındağı jemqorlıqtı auızdıqtau köptiñ kökeyinde jürgen bastı mäsele bolğanın aytadı. Sonday-aq osı şeşimi arqılı Mwhammed bin Salman öz jaularınıñ qatarın arttırıp aluı mümkin degen boljam jasaydı.

“The Qazaq Times”