Foto: gb.by

Wlttıq bank  zeynetaqı aktivterin basqaru boyınşa şetelik kompaniyalardıñ birine 150 mln dollar beruge dayındalıp jatır. Bwl turalı Birıñğay jinaqtauşı zeynetaqı qorınıñ törağası Nwrbübi Naurızbaeva mälimdedi. 

Onıñ sözinşe, zeynetaqı aktivterin basqaruğa qatıstı qazirgi kezde zañnamalarda eşqanday özgerister qabıldanbağan.

"Qazirgi kezde zeynetaqı aktivterin sol zañdı belgilengen tärtip boyınşa Wlttıq bank basqaradı. Wlttıq bank zeynetaqı aktivteriniñ biraz böligin şeteldik basqaruşı kompaniyalarına berdi. Bwl Wlttıq bank pen bizdiñ aramızdağı kelisim  boyınşa bolğan. Indekstik investiciya deymiz, sonday josparlar boyınşa bir kompaniyağa 400 mln dollar köleminde basqaruğa berildi. Bwl qosımşa basqaru dep ataladı", - dedi ol.

Osılay degen törağa artınşa şart boyınşa basqaruğa 400 mln dollar beruge bolatının jäne qazirgi kezde 150 mln dollar beruge dayındalıp jatqanın ayttı.

Desek te 150 mln dollar qanday kompaniyanıñ basqaruına beriletini turalı äzirge belgisiz.  Sebebi ol jöninde aldağı uaqıtta Wlttıq bankpen naqtılanatın boladı.

Bwdan bölek Nwrbübi Naurızbaeva problemalı bankterdegi qazaqstandıqtardıñ zeynetaqı jinaqtarı qanşa ekenin atap ötti. Onıñ sözinşe, 49 mlrd teñge Bank RBK şotında saqtalğan. Alayda ol qarajattıñ qaytpay qalu qaupi joq.

"Delta bank pen Qazinvestbankte zeynetaqı aktivteri bolğan joq. Bank RBK-da sauıqtıru bağdarlaması esebinen 49 mlrd teñge zeynetaqı aktivi bar. Alayda Wlttıq bank qabıldap jatqan sauıqtıru bağdarlamasınan keyin qarajattıñ qaytarılmay qalu qaupin körip twrğan joqpız", - dedi ol.

Ayta keteyik, soñğı uaqıtta atalğan bankke qatıstı qarjı mäseleleri tuındağan bolatın. Sebebi Bank RBK qızmetin qoldanuşılar aqşa şeşip alu mümkin bolmağanı jäne keybir studentter stipendiyaların ala almağandarı turalı aytqan. Osı jağdaylardan keyin atalğan banktiñ Wlttıq banktiñ sauıqtıru bağdarlamasına qatısatını belgili boldı.

“The Qazaq Times”