Bäkey Ağıparwlı. Foto: kazinform.kz

Belgili qoğam qayratkeri, ekonomika ğılımdarınıñ doktorı, professor Bäkey Ağıparwlı Moñğoliya ğılım Akademiyasınıñ akademigi bolıp saylandı. Bwl turalı MĞA-nıñ vebsaytına silteme jasap KAZNEWS habarladı.

Bäkey Ağıparwlı bwl joğarı ğılımi ataqqa mal şaruaşılığınıñ tiimdiligin arttıru, ekonomikalıq jäne menejmenttik bağıtta 30 jıl ğılımi zertteuler jasap, moñğoliyanıñ auıl şaruaşılığınıñ twraqtı damuınıñ strategiyalıq bağıtı, malşı otbasınıñ ekonomikalıq şeşim qabıldau procesi, jayılım jerlerdi wtımdı paydalanudağı menejmenttik ülgisin jasau mäseleri boyınşa eñbekteri üşin ie boldı.

Bäkey Ağıparwlı – Moñğoliya Parlamentine Bayan-Ölgiy aymağınan eki ret saylanıp, Moñğoliya Parlamentiniñ Tabiğat, qorşağan orta, auıl şaruaşılığı jönindegi jäne Memlekettik qwrılımdarı jönindegi twraqtı komitetterin basqarğan. Auıl şaruaşılığı universitetiniñ prorektorı qızmetterin atqarğan.

Qazir Moñğoliya Auıl şaruaşılığı Akademiyasınıñ vice prezidenti.

"The Qazaq Times"