Foto: yvision.kz

Bügin Almatıda jıldamdığı joğarı qoğamdıq kölikterge arnalğan BRT bağıtı iske qosıladı. Birinşi bağıt Mustafin, Rıskulbekov jäne Suleymenov köşeleri boyımen ötedi, dep habarlaydı "Kolesa".

Portaldıñ mälimetinşe, endi arnayı qwrılğan jolaqtan qoğamdıq kölikter ğana ötedi. Basqa kölikterdiñ toqtauına, nemese odan ötuine tıyım salınadı.

Almatı qalasınıñ transport jäne avtokölik joldarı basqarması habarlağanday, 1 jeltoqsanğa deyin qoğamdıq kölikter jolağı testik rejimde jwmıs isteydi. Sonday-aq, arnayı jolaqtan bayqamay ötip ketkenderge jäne jürgizuşiler jaña jolğa üyrengenşe, on künge deyin ayıppwl salınbaydı. Alayda 1 jeltoqsannan bastap BRT (bus rapid transit - jıldamdığı joğarı avtobustar jüyesi) jolaqtarına arnayı jol belgileri qoyılatın boladı.

Mälimetterge sensek, jaña jolaqpen jüretin avtobustardıñ kelu uaqıtı 5 minuttı qwraydı. Bir bağıtta jüru uaqıtı şamamen 46 minuttı qwraydı. Al 2018 jıldıñ jazında Jandosov jäne Timiryazev köşeleri boyında ekinşi BRT bağıtın salu jwmıstarı bastaluı tiis.

“The Qazaq Times”