الماتىدا جىلدامدىعى جوعارى اۆتوبۋستارعا ارنالعان باعىت ىسكە قوسىلادى

بۇگىن الماتىدا جىلدامدىعى جوعارى قوعامدىق كولىكتەرگە ارنالعان BRT باعىتى ىسكە قوسىلادى. ءبىرىنشى باعىت مۋستافين، رىسكۋلبەكوۆ جانە سۋلەيمەنوۆ كوشەلەرى بويىمەن وتەدى، دەپ حابارلايدى "كولەسا".

پورتالدىڭ مالىمەتىنشە، ەندى ارنايى قۇرىلعان جولاقتان قوعامدىق كولىكتەر عانا وتەدى. باسقا كولىكتەردىڭ توقتاۋىنا، نەمەسە ودان وتۋىنە تىيىم سالىنادى.

الماتى قالاسىنىڭ ترانسپورت جانە اۆتوكولىك جولدارى باسقارماسى حابارلاعانداي، 1 جەلتوقسانعا دەيىن قوعامدىق كولىكتەر جولاعى تەستىك رەجيمدە جۇمىس ىستەيدى. سونداي-اق، ارنايى جولاقتان بايقاماي ءوتىپ كەتكەندەرگە جانە جۇرگىزۋشىلەر جاڭا جولعا ۇيرەنگەنشە، ون كۇنگە دەيىن ايىپپۇل سالىنبايدى. الايدا 1 جەلتوقساننان باستاپ BRت (bus rapid transit - جىلدامدىعى جوعارى اۆتوبۋستار جۇيەسى) جولاقتارىنا ارنايى جول بەلگىلەرى قويىلاتىن بولادى.

مالىمەتتەرگە سەنسەك، جاڭا جولاقپەن جۇرەتىن اۆتوبۋستاردىڭ كەلۋ ۋاقىتى 5 مينۋتتى قۇرايدى. ءبىر باعىتتا ءجۇرۋ ۋاقىتى شامامەن 46 مينۋتتى قۇرايدى. ال 2018 جىلدىڭ جازىندا جاندوسوۆ جانە تيميريازەۆ كوشەلەرى بويىندا ەكىنشى BRT باعىتىن سالۋ جۇمىستارى باستالۋى ءتيىس.

“The Qazaq Times”