400-ge juıq qazaqstandıq bala Süriyada ömir sürip jatır. Bwl turalı «Veçernyaya Astana» gazetinde habarlandı.

"Biz küyeulerdiñ dini közqarastarına baylanıstı jii zorlıq-zombılıqqa wşıraytın äyeldermen tığız jwmıs isteymiz. Onıñ üstine qazirgi kezde bizdiñ 390 bala Süriyada jür, endi olardı qaytaru boyınşa jwmıstar jürgizilude, aldağı uaqıtta olarmen de jwmıs isteuge tura keledi", - dep keltirilgen basılımda Astana qalasınıñ din isteri jönindegi basqarma jetekşisi Daniyar Esinniñ sözi.

Onıñ aytuınşa, jıl basınan beri basqarma salafittik ideologiyanı nasihattağan 1090 äleumettik jeli qoldanuşısın anıqtağan. Bwdan bölek taldau jürgizu kezinde türli äleumettik jelilerde destruktivti dini ideologiyanı nasihattaytın 589 derekköz jäne Qazaqstanda tıyım salınğan terroristik aktiler men destruktivtik ideologiyanı nasihattaytın 1277 material taratılğanı anıqtalğan.

«Biz öz tarapımızdan jelilerde zañsız missionerlik qızmet körsetkeni üşin twlğalardı jauapqa tartamız», - deydi Esin.

Sonımen qatar, basqarma basşısınıñ sözinşe, osı künge deyin dinaralıq qaqtığıs tudırğanı üşin  3 adam jazalanğan. Endi olarmen qwqıq qorğau organdarı aynalısadı.

“The Qazaq Times”