400-گە جۋىق قازاقستاندىق بالا ءسۇريادا ءومىر ءسۇرىپ جاتىر. بۇل تۋرالى «ۆەچەرنيايا استانا» گازەتىندە حابارلاندى.

ء"بىز كۇيەۋلەردىڭ ءدىني كوزقاراستارىنا بايلانىستى ءجيى زورلىق-زومبىلىققا ۇشىرايتىن ايەلدەرمەن تىعىز جۇمىس ىستەيمىز. ونىڭ ۇستىنە قازىرگى كەزدە ءبىزدىڭ 390 بالا ءسۇريادا ءجۇر، ەندى ولاردى قايتارۋ بويىنشا جۇمىستار جۇرگىزىلۋدە، الداعى ۋاقىتتا ولارمەن دە جۇمىس ىستەۋگە تۋرا كەلەدى", - دەپ كەلتىرىلگەن باسىلىمدا استانا قالاسىنىڭ ءدىن ىستەرى جونىندەگى باسقارما جەتەكشىسى دانيار ەسيننىڭ ءسوزى.

ونىڭ ايتۋىنشا، جىل باسىنان بەرى باسقارما سالافيتتىك يدەولوگيانى ناسيحاتتاعان 1090 الەۋمەتتىك جەلى قولدانۋشىسىن انىقتاعان. بۇدان بولەك تالداۋ جۇرگىزۋ كەزىندە ءتۇرلى الەۋمەتتىك جەلىلەردە دەسترۋكتيۆتى ءدىني يدەولوگيانى ناسيحاتتايتىن 589 دەرەككوز جانە قازاقستاندا تىيىم سالىنعان تەرروريستىك اكتىلەر مەن دەسترۋكتيۆتىك يدەولوگيانى ناسيحاتتايتىن 1277 ماتەريال تاراتىلعانى انىقتالعان.

«ءبىز ءوز تاراپىمىزدان جەلىلەردە زاڭسىز ميسسيونەرلىك قىزمەت كورسەتكەنى ءۇشىن تۇلعالاردى جاۋاپقا تارتامىز»، - دەيدى ەسين.

سونىمەن قاتار، باسقارما باسشىسىنىڭ سوزىنشە، وسى كۇنگە دەيىن دىنارالىق قاقتىعىس تۋدىرعانى ءۇشىن  3 ادام جازالانعان. ەندى ولارمەن قۇقىق قورعاۋ ورگاندارى اينالىسادى.

“The Qazaq Times”