Foto: vestnikkavkaza.net

QR Aqparat jäne kommunikaciyalar ministrligi sot şeşimi boyınşa  kitaptar satatın birneşe reseylik baspalar men internet-dükenderdiñ sayttarın bwğatadı. Sebebi sayttar Qazaqstanda tıyım salınğan kitaptardı satuğa qoyğan. Bwdan bölek «ekstremistik» mazmwndağı aqparat tabılğanı üşin Pikabu.ru oyın-sauıq portalı da bwğatqa qoyılğan.

Tarağan aqparatqa süyensek, kitap dükenderiniñ sayttarında 2013 jılı Jezqazğan men Ridder qalalarınıñ sot şeşimi boyınşa ekstrimistik basılım retinde tanılğan "Islam Aqidası" kitabı ornalasqan. Osığan baylanıstı reseylik EKSMO saytı bwğattaldı. Sonday-aq, Astana sotı boyınşa 2009 jılı Şamsudin Abu Abdulla Muhammad ibn Kaymim al'-Jauziyanıñ «Äl-Fauaid» kitabın saqtauğa jäne satuğa tıyım salınğan edi. Alayda bwl kitap tek  EKSMO saytında ğana emes, Ozon, Labirint.ru jäne Book24.ru internet dükenderinde de satılımğa qoyılğan eken. Osığan baylanıstı osı sayttar da qazaqstandıqtar üşin qoljetimdi bolıp otırğan joq. Al Ficbook.net saytı bolsa  "Qarapayım mobil'di detonatordı qalay jasauğa boladı?" degen kitap bar bolğanı üşin bwğattaldı. Sebebi bwl Qazaqstanda ekstrimistik kitap retinde tanılğan. Osılayşa qazirgi uaqıtta 5 birdey reseylik sayt bwğatqa qoyılğan.

Al ministrliktiñ mälimetinşe, atalğan internet resurstardıñ äkimşiligimen baylanıs jasalıp jatır. Eger olar Qazaqstanda tıyım salınğan kitaptardı sayt betterinen joyğan jağdayda, onda internet resurstar qayta qalpına keletin boladı.

“The Qazaq Times”