Foto: APF

Franciyanıñ Prezidenti Emanuel' Makron Abu-Dabide soñğı on jıl boyı salınğan Luvr mwrajayı aşılğanın jariya etti. Jaña mwrajayda twraqtı negizde 600, oğan qosa Franciyadan äkelingen 300 öner tuındısı,  keluşilerdiñ nazarına wsınılatın boladı. Bwl turalı VVS aqparattıq agenttigi jazdı.

Luvr mwrajayınıñ jobası turalı kelisim Franciya men Abu-Dabi arasında 2007 jılı jasalıp, 2012 jılı ğimarat paydalanuğa beriledi dep kütilgen. Biraq bükil älemdik qarjı dağdarısına jäne mwnay bağasınıñ kürt tömendeuine baylanıstı qwrılısı wzaqqa sozılğan mwrajaydıñ qwnı alğaşında 654 mln $ dep bağalansa, soñğı qwnı - 1 mlrd £ boldı.

Mwrajayğa älemniñ barlıq öñirinen din men tarihqa baylanıstı jinalğan şığarmalar men tuındılar qoyıladı. Franciya Prezidenti Emanuel' Makron jaña jobanı "Örkenietter arasındağı köpir" dep atadı. Ol öz sözinde: "Islam dini özge dinderdi qwrtudı közdeydi deytinder - ötirikşiler", dedi.

Abu-Dabidegi turistik orın Franciya üşin payda tabudıñ jaña jolına aynaladı. Sebebi Luvr mwrajayınıñ atın qoldanğanı, 300-ge juıq öner tuındısın paydalanğanı jäne mwrajaydı basqaru boyınşa konsul'taciyalıq qızmeti  üşin Abu-Dabi Franciyağa qıruar qarjı töleydi.

“The Qazaq Times”