Foto: FreeSMI.by

Qazaqstanda osı jılı zañğa qayşı keletin 2,5 mıñ internet-resurs anıqtalğan. Mwnday derekterdi Qazaqstan Respublikasınıñ Din isteri jäne azamattıq qoğam ministrligi keltirip otır.

Vedomstvanıñ aqparatınşa, 2017 jılı ministrliktiñ mamandarı ğalamtordağı 5527  aqparat resurstarına zertteu jürgizgen. Zertteu qorıtındılarına säykes, olardıñ işinde 2487 zañsız materialdardıñ bar ekendigi anıqtalğan. Zañbwzuşılıqtar anıqtalğan sayttar boyınşa jasalğan saraptamalıq qorıtındılar - QR Aqparat jäne kommunikaciyalar  ministrligine atalğan sayttardı bwğattau jäne tiisti tehnikalıq şaralardı qabıldau  üşin  jiberildi.

Din isteri jäne azamattıq qoğam ministrligi dini ädebietter jäne  özge de dini mazmwndağı materialdar men nısandarğa dini saraptama  jürgizdi.  Atap aytqanda, 2017 jılı 3495 material dini saraptamadan ötip, onıñ işinde 179 nısannıñ zañ bwzuşılıq bağıttağı qızmeti anıqtalğan.

Dini saraptama jürgizudiñ negizgi mindeti - Konstituciya normaları men Qazaqstan Respublikasınıñ zañnamasına, azamattardıñ qwqıqtarı men bostandıqtarına teris äser etetin zañ bwzuşılıqtardı anıqtap, olarğa saraptama jürgizu bolıp tabıladı.

Qazaqstan Respublikasınıñ zañnamasına qayşı keletin materialdar anıqtalğan jağdayda dini saraptama jürgizu erejelerine säykes, onı respublika aumağında paydalanuğa jäne taratuğa rwqsat etilmeydi.

Qazirgi uaqıtta dini qızmetti retteytin zañnamağa tüzetuler engizu jönindegi qwjattar äzirlendi. Onıñ negizinde 9 Zañğa jäne 2 Kodekske jalpı sanı 52 tüzetu engizu qarastırılıp otır.

“The Qazaq Times”