فوتو: FreeSMI.by

قازاقستاندا وسى جىلى زاڭعا قايشى كەلەتىن 2,5 مىڭ ينتەرنەت-رەسۋرس انىقتالعان. مۇنداي دەرەكتەردى قازاقستان رەسپۋبليكاسىنىڭ ءدىن ىستەرى جانە ازاماتتىق قوعام مينيسترلىگى كەلتىرىپ وتىر.

ۆەدومستۆانىڭ اقپاراتىنشا، 2017 جىلى مينيسترلىكتىڭ ماماندارى عالامتورداعى 5527  اقپارات رەسۋرستارىنا زەرتتەۋ جۇرگىزگەن. زەرتتەۋ قورىتىندىلارىنا سايكەس، ولاردىڭ ىشىندە 2487 زاڭسىز ماتەريالداردىڭ بار ەكەندىگى انىقتالعان. زاڭبۇزۋشىلىقتار انىقتالعان سايتتار بويىنشا جاسالعان ساراپتامالىق قورىتىندىلار - قر اقپارات جانە كوممۋنيكاتسيالار  مينيسترلىگىنە اتالعان سايتتاردى بۇعاتتاۋ جانە ءتيىستى تەحنيكالىق شارالاردى قابىلداۋ  ءۇشىن  جىبەرىلدى.

ءدىن ىستەرى جانە ازاماتتىق قوعام مينيسترلىگى ءدىني ادەبيەتتەر جانە  وزگە دە ءدىني مازمۇنداعى ماتەريالدار مەن نىساندارعا ءدىني ساراپتاما  جۇرگىزدى.  اتاپ ايتقاندا، 2017 جىلى 3495 ماتەريال ءدىني ساراپتامادان ءوتىپ، ونىڭ ىشىندە 179 نىساننىڭ زاڭ بۇزۋشىلىق باعىتتاعى قىزمەتى انىقتالعان.

ءدىني ساراپتاما جۇرگىزۋدىڭ نەگىزگى مىندەتى - كونستيتۋتسيا نورمالارى مەن قازاقستان رەسپۋبليكاسىنىڭ زاڭناماسىنا، ازاماتتاردىڭ قۇقىقتارى مەن بوستاندىقتارىنا تەرىس اسەر ەتەتىن زاڭ بۇزۋشىلىقتاردى انىقتاپ، ولارعا ساراپتاما جۇرگىزۋ بولىپ تابىلادى.

قازاقستان رەسپۋبليكاسىنىڭ زاڭناماسىنا قايشى كەلەتىن ماتەريالدار انىقتالعان جاعدايدا ءدىني ساراپتاما جۇرگىزۋ ەرەجەلەرىنە سايكەس، ونى رەسپۋبليكا اۋماعىندا پايدالانۋعا جانە تاراتۋعا رۇقسات ەتىلمەيدى.

قازىرگى ۋاقىتتا ءدىني قىزمەتتى رەتتەيتىن زاڭناماعا تۇزەتۋلەر ەنگىزۋ جونىندەگى قۇجاتتار ازىرلەندى. ونىڭ نەگىزىندە 9 زاڭعا جانە 2 كودەكسكە جالپى سانى 52 تۇزەتۋ ەنگىزۋ قاراستىرىلىپ وتىر.

“The Qazaq Times”