AQŞ 45-şi prezident söz söylep twr, 44-şi prezidenti tıñdap otır. Foto:PopSugar

Uaşington – jwma, (bizdiñ uaqıtpen senbiniñ tañında) Donald Tramp (Donald John Trump) resmi türde AQŞ-tıñ 45 kezekti prezidenti bolıp tağayındaldı. Tramp öziniñ ökiletti merziminde qalıptı jüyeni bwzbau şartı astında Amerika Qwrama Ştattarınıñ dañqın qalpına keltiruge uäde berdi. Bwl turalı "The New York Times" habarlaydı.

Uaşingtondağı parlament sarayınıñ aldına neşe on mıñdağan adamdardıñ jinalğanın köruge boladı. Azdağan sebezgi jañbır jauıp twrdı. Tramp bolsa Amerikanıñ büginin sipattağanda – qayşılıqtar men japağa tolı kürester, Uaşingtondağı bir top elitanıñ bärin qolına wstay otırıp,  halıqtı wmıt qaldıru, bükil älemniñ ırıqsız keri ketip bara jatuı dep körsetti. Ol öziniñ bilikke keluimen mwnıñ bäri kerisinşe boladı dep senim bildirdi.

Tramptıñ Amerikağa uäde berui. Foto: Belfast Telegraph

Onıñ 16 minuttıq söziniñ bastı wranı mınaday boldı:

  • «AQŞ-tıñ bwl keskilesken teke-tiresi däl osı sätten bastap şeşimin tabadı».
  • «Bos sözderdiñ däuiri osımen ötip ketti, endi nağız äreket etudiñ uaqıtı tudı».
  • «Kez kelgen adamnıñ bwl jüzege aspaydı dep aytuına jol bermeñiz».

Ol marapattau rasimi tek qana biliktiñ almasuın ğana bildirmeytinin, bwl bir partiyadan kelesi sayasi partiyağa beybit ötkerip beru bolıp sanalatının ayttı. Ol söz arasında:  «Biz Uaşingtonnan barınşa demeu körsetemiz, al sizder – halıq – quattı küşke aynalasızdar», - dep sendirdi.

AQŞ-ta qalıptasqan, reformalaudı kütip twrğan bir qauım ister turasında tolğana kelip, Donald Tramp: «Wzaqtan beri Uaşingtondağı az ğana top, bilikti qamtıp wstauğa barınşa qwlşındı. Uaşingtonnıñ biligi barğan sayın wlğayıp, bileuşiler qwdirettendi, halıq olardıñ aldındağı asına aynaldı. Käsipkerler tığırıqqa tirelip, käsip orındar jabıldı. Bwl qalıptasqan küşter, elimizdiñ azamattarına qarağanda öz müddesin köbirek qorğadı. Olardıñ tabısı äste sizdiñ tabısıñız emes, olardıñ jetken jetistigi eş uaqıtta sizdiñ jetistigiñiz emes edi», – dey kelip, qalıptasqan ürdisti özgertip, Amerikağa basımdıq beruge uäde etti. «Endi elimizdegi qaşanda wmıt qalıp kelgen ärbir azamatı eskerusiz qalmaydı», – dep sözin tüyindedi.

AQŞ Joğarı sotınıñ bas sudiyası, bar-joğı 35 sözden twratın qısqa ğana tağayındau sözin söyledi. Osıdan keyin, Donald Tramp prezident tağayındau jarlığına qol qoyıp, Aq üydegi öz qızmetin resmi türde bastap ketti.

 

“The Qazaq Times”