Foto: twitter.com

AQŞ Prezidenti Donal'd Tramptıñ tvitter paraqşası  @realdonaldtrump 11 minutqa isten şığıp, oqırmandar "Keşiriñiz! Bwl paraqşa joyılğan" degen jazbağa tap boldı.  Twitter kompaniyası qazir bolğan jayttı tolıq zerttep jatır jäne mwnday olqılıqtıñ qayta bolmauın jiti qadağalaytındarın habarladı. Bwl turalı VVS aqparattıq qızmeti jazdı. 

41,7 mln oqırmanı bar paraqşanıñ qızmeti nebäri 11 minutqa toqtatılıp, qayta qalpına keltirilgen. Bwl jağday AQŞ Prezidentiniñ jeke akkauntınıñ qauipsizdigin qamtamasız etu turalı qızu pikirtalastardı tudırıp ülgerdi. Degenmen Amerika basşısınıñ  resmi @POTUS paraqşası eşqanday şabuılğa wşıramağan.

Twitter kompaniyası bolğan jağday turalı: "Bizdiñ aldın-ala boljamımız boyınşa, Donal'd Tramptıñ akkauntın Twitter-diñ qızmet körsetu böliminiñ qızmetkeri öziniñ soñğı jwmıs küninde öşirip tastağan. Ol bizdiñ kompaniyamızdağı qızmeti ayaqtalğan küni osınday äreketke barğan. Qazir kompaniya işinde qosımşa zertteu jürgzip jatırmız", - dep mälimdeme jasadı.

Donal'd Tramp Twitter äleumettik jelisine 2009 jılı qosılğan. Tömende osı uaqıtqa deyin 36 mıñ jazba  jariyalağan AQŞ Prezidentiniñ eñ köp talqılauğa wşırağan qayşılıqtı tvitterin wsınamız.

Foto: twitter.com

"Qazir ğana Soltüstik Koreyanıñ Sırtqı İster ministriniñ BWW-da söylegen sözin estidim. Eger ol kişkentay zımıran adamnıñ oyların jetkizgen bolsa, olar wzaqqa barmaydı!"

Foto: twitter.com

"Bayandamadan: Wlıbritaniyadağı qılmıs deñgeyi Radikaldı Islam terrorizminiñ ayasında  jıl sayın 13 payızğa ösedi. Bwl jaqsı emes, biz Amerikanıñ qauipsizdigine bekem boluğa tiispiz!"

“The Qazaq Times”