فوتو: twitter.com

اقش پرەزيدەنتى دونالد ترامپتىڭ تۆيتتەر پاراقشاسى  @realdonaldtrump 11 مينۋتقا ىستەن شىعىپ، وقىرماندار "كەشىرىڭىز! بۇل پاراقشا جويىلعان" دەگەن جازباعا تاپ بولدى.  Twitter كومپانياسى قازىر بولعان جايتتى تولىق زەرتتەپ جاتىر جانە مۇنداي ولقىلىقتىڭ قايتا بولماۋىن ءجىتى قاداعالايتىندارىن حابارلادى. بۇل تۋرالى ۆۆس اقپاراتتىق قىزمەتى جازدى. 

41,7 ملن وقىرمانى بار پاراقشانىڭ قىزمەتى نەبارى 11 مينۋتقا توقتاتىلىپ، قايتا قالپىنا كەلتىرىلگەن. بۇل جاعداي اقش پرەزيدەنتىنىڭ جەكە اككاۋنتىنىڭ قاۋىپسىزدىگىن قامتاماسىز ەتۋ تۋرالى قىزۋ پىكىرتالاستاردى تۋدىرىپ ۇلگەردى. دەگەنمەن امەريكا باسشىسىنىڭ  رەسمي @POTUS پاراقشاسى ەشقانداي شابۋىلعا ۇشىراماعان.

Twitter كومپانياسى بولعان جاعداي تۋرالى: ء"بىزدىڭ الدىن-الا بولجامىمىز بويىنشا، دونالد ترامپتىڭ اككاۋنتىن Twitter-ءدىڭ قىزمەت كورسەتۋ ءبولىمىنىڭ قىزمەتكەرى ءوزىنىڭ سوڭعى جۇمىس كۇنىندە ءوشىرىپ تاستاعان. ول ءبىزدىڭ كومپانيامىزداعى قىزمەتى اياقتالعان كۇنى وسىنداي ارەكەتكە بارعان. قازىر كومپانيا ىشىندە قوسىمشا زەرتتەۋ جۇرگزىپ جاتىرمىز", - دەپ مالىمدەمە جاسادى.

دونالد ترامپ Twitter الەۋمەتتىك جەلىسىنە 2009 جىلى قوسىلعان. تومەندە وسى ۋاقىتقا دەيىن 36 مىڭ جازبا  جاريالاعان اقش پرەزيدەنتىنىڭ ەڭ كوپ تالقىلاۋعا ۇشىراعان قايشىلىقتى تۆيتتەرىن ۇسىنامىز.

فوتو: twitter.com

"قازىر عانا سولتۇستىك كورەيانىڭ سىرتقى ىستەر ءمينيسترىنىڭ بۇۇ-دا سويلەگەن ءسوزىن ەستىدىم. ەگەر ول كىشكەنتاي زىمىران ادامنىڭ ويلارىن جەتكىزگەن بولسا، ولار ۇزاققا بارمايدى!"

فوتو: twitter.com

"باياندامادان: ۇلىبريتانياداعى قىلمىس دەڭگەيى راديكالدى يسلام تەرروريزمىنىڭ اياسىندا  جىل سايىن 13 پايىزعا وسەدى. بۇل جاقسى ەمەس، ءبىز امەريكانىڭ قاۋىپسىزدىگىنە بەكەم بولۋعا ءتيىسپىز!"

“The Qazaq Times”