Foto: Kazinform

Qazaqstan Dünie jüzilik banktiñ Doing Business 2018 reytinginde bir satığa tömendep, 36 orınğa tüsti. 

Ötken jılı Qazaqstan atalğan reytingte 35 orında bolğan. Al biıl bwl orınğa Resey eli ie bolıp otır.

Bank bayandamasında aytılğanday, Qazaqstan minoritarlı investorlardı qorğau boyınşa älemdegi köşbasşı el bolğan. Qazaqstan mwnday nätijege iri korporativtik şeşimderdi qabıldauda akcionerlerdiñ qwqıqtarı men rölin küşeytu, korporativtik aşıqtıqtı talap etetin jäne sot talqılauı kezinde korporativtik aqparatqa qol jetkizudi qamtamasız etu arqılı jetip otır.

Bwdan bölek memleket käsiporındardı tirkeu, elektr jabdıqtarına qosu, mülikti tirkeu jäne orındalğan kelisimşarttardı qamtamasız etu turalı öz poziciyaların jaqsartqan.

"Kredit alu" jäne "halıqaralıq sauda" körsetkişi boyınşa respublika bwrınğı orında twr. Al "qwrılısqa rwqsat alu", "salıq", "tölem qabiletiniñ naşar boluı boyınşa rwqsat beru" körsetkişi tömendegen.

“The Qazaq Times”