Foto: inform.kz

Resey qazaq tiliniñ latın grafikasına ötuine tüsinistikpen qaraydı. Mwnday pikirdi Reseydiñ Qazaqstandağı tötenşe jäne ökiletti elşisi Mihail Boçarnikov mälimdedi.

"Qazaqstan - Konstituciyasında orıs tiline resmi status bergen memleketterdiñ biri. Resey täuelsiz Qazaqstannıñ memlekettik tiliniñ latın grafikasına ötui turalı şeşimine tüsinistikpen jäne qwrmetpen qaraydı", - dedi ol Astanada ötip jatqan QR  Parlament mäjilisi men Reseydiñ memlekettik duması parlamentarileriniñ kezdesuinde.

Onıñ sözinşe, Qazaqstanda orıs tili poziciyasınıñ saqtalıp qaluı mañızdı.

"Prezident Nwrswltan Nazarbaev jäne QR Resmi ökilderiniñ mälimdemelerine süyensek, orıs tiliniñ poziciyası saqtalıp qaladı, orta mektepterde orıs tilinen sabaq ötkizu jalğasa beredi. Sebebi Qazaqstan azamattarınıñ orıs tilin erkin söyleui - respublika jetekşileri üşin Qazaqstannıñ mädeni artıqşılığı", - dedi Boçarnikov.

Ayta keteyik, bwdan bwrın Nwrswltan Nazarbaev Aqmola oblısınıñ Burabay kentinde «Habar» telearnasına swhbat beru kezinde "latın älipbiine köşu orıs tilinen bas tartu degen söz emes" degen edi.

"Latın älipbiine köşu orıs tilinen nemese kirillicadan bas tartu degen söz emes. Orıs tilinde şığatın barlıq basılımdar bwrınğıday şığa beredi, yağni Qazaqstannıñ  orıs tildi azamattarı üşin kirillica qaladı", - degen Prezident swhbat barısında.

Al osıdan keyin qoğamda ärtürli pikir payda boldı. Biri Prezidenttiñ bwl sözinen keyin "endeşe jaña älipbige köşudiñ ne qajeti bar?" dese endi biri "Qazaqstan üşin orıs tili äli de üstem" bolatının aytqan.

“The Qazaq Times”