2013 jıldıñ qañtarında apatqa wşırağan SCAT wşağınıñ sınıqtarı. Foto: forbes.kz

Jıl basınan beri Qazaqstanda 9 wşaq apatı tirkelip, 11 adam qaza tapqan. Körsetkiş boyınşa Qazaqstan TMD elderi arasında ekinşi orında twr. Bwl turalı Astanadağı Bas kölik prokuraturası, Aviaciya salasındağı jetekşiler jäne ardager mamandar qatısqan jinalısta mälim boldı, dep habarlaydı 24 kz.

"Biz qauipsizdike keri äser etetin birneşe sebepti anıqtadıq. Birinşisi – wşaqtardıñ tehnikalıq jağdayı. Qazir jeñil aviaciyadağı wşaqtardıñ 75 payızı 30 jıl bwrın qwrastırılğan. Bwl tek tirkelgenderi ğana. Al ekinşi sebep – apattardı jasıru. Mäselen, Azamattıq aviaciya akademiyası «TEHNAM» wşağı qwlağanğa deyin osığan wqsas apattı jasırğan bolıp şıqtı. Eger akademiya bwl turalı habarlağanda jauaptı organ bir şeşim qabıldar ma edi", - deydi QR Bas kölik prokuraturasınıñ basqarma bastığı Almas Amanov.

Azamattıq aviciya salasında 40 jıldan astam eñbek ötili bar ardager Maqaş Äbişevtiñ nemeresi  osınday apattan qaza tapqan. Biılğı jıldıñ tamız ayında Almatı tübinde qwlağan «TEHNAM» wşağınıñ işinde qariyanıñ nemeresi bolğan. 22 jastağı kursant Aydar Äbişev apattan aman qalmadı. Sondıqtan Maqaş Äbişev saladağı jüyege özgeris kerek ekenin aytadı.

"Mağan wşaq qwyın ağınına tüsti dep aytqıları keledi. Al oğan ne sebep boldı? Basşılar men jüyeniñ jauapsızdığı. Osınıñ aldın alu qajet. Men jas jigitterdiñ qaza tapqanın, ata-analardıñ men siyaqtı jılağanın qalamaymın. Jauaptı mekeme ökilderi bwl iske qatıstı tergeudiñ äli jürip jatqanın jetkizdi. Jalpı jıl basınan beri elimizde 9 wşaq apatı tirkelip, 11 adam qaza tauıptı. Bwl körsetkiş boyınşa Qazaqstan TMD elderi arasında ekinşi orında twr", - dedi Maqaş Äbişev.

Al QR Investiciyalar jäne damu ministrligi basqarma basşısı mindetin atqaruşı Jambıl Isinniñ sözinşe, aviaciyalıq apattardıñ 44 payızına adami faktor, 31 payızına aua rayı sebep boladı eken. Sonday-aq aviaciyalıq tehnikanıñ sır berui apattardıñ 25 payızında bayqaladı eken.

Al mwnday apattardı aldın aludıñ äzirge eşbir mehanizmi qolğa alınıp otırğan joq.

“The Qazaq Times”