Foto: MK-Turciya

Annekciyalanğan Qırımda sottalğan tatar köşbasşıları Reseydi tastap Türkiyağa bet aldı - dep habarlaydı Nemis tolqını aqparat agenttigi.

Qazan ayınıñ 25-si küni 2016 jıldan beri Reseydiñ Qırımdı annekciyalauına qarsı şıqqan üşin türmede jatqan Qırım tatarları mäjilisi törağasınıñ orınbasarları Il'mi Umerov pen Ahtem Çigöz bostandıqqa şığarılğan. 2016 jılı RF Qırım aymağı boyınşa federaldı qauipsizdik qızmeti Umirovtı «Resey Federaciyasınıñ twtastığına nwqsan keltirdi» dep ayıptap, 26 qırküyek küni Simeropol' audandıq sotı onı eki jılğa bas bostandığınan ayırğan. Al Ahtem Çigözdi Qırım Joğarğı sotı "2014 jılı 26 aqpan küni Qırım parlamenti aldında bolğan tärtipsizdikti wyımdastırdı" dep ayıptap, segiz jılğa sottağan. Biraq Umerov ta, Çigöz de özderiniñ kinäsiz ekendikterin aytıp, bolğan jağdaylardıñ barlığınıñ sayasi astarı bar dep mälimdegen.

Il'mi Umerov pen Ahtem Çigözdi qoldau akciyası.

Ukraina prezidenti Petr Poroşenkonıñ sözinşe, olardıñ qısqa uaqıt işinde bostandıqqa şığuına Türkiya prezidenti Rejep Tayıp Erdoğannıñ tikeley qatısı bar. Ol tipti öziniñ Twitter  paraqşasında Qırım tatarları basşılarınıñ bostandıqqa şığuına baylanıstı: «Men Ahtem Çigözben Il'im Umerovtıñ bostandıqqa şıqqanına öte quanıştımın. Bwl üşin Türkiya prezidentine rahmet aytqım keledi. Biz bwl jayında bwğan deyin N'yu-York jäne Kiev qalalarında ötken kelissözderde söylesken bolatınbız» - dep jazğan.

Jergilikti BAQ ökilderiniñ mälimeti boyınşa, Umerov pen Çigözdiñ bostandıqqa şığuı men Ankarağa jetkizilui Türkiya prezidenti Rejep Tayıp Erdoğannıñ Resey basşısı Vladimir Putinmen kelissöz jürgizuinen keyin jüzege asırılğan.

“The Qazaq Times”