Foto: loda.gov.ua

Almatıda  jastarğa arnalğan «Almatı Jastarı» attı jaña twrğın üy bağdarlaması barısında 35 jasqa deyingi almatılıqtar jeke päterge ie bolu üşin jeñildetilgen zaemge qol jetkize aladı. Bwl turalı Almatı äkimdiginiñ baspasöz qızmeti habarladı. 

Mwnday bağdarlama «Twrğın üy jinaq qwrılıs banki» AQ men qalanıñ Twrğın üy jäne twrğın üy inspekciyası basqarması arasındağı ıntımaqtastıq turalı kelisim boyınşa jüzege asıp otır.

«Almatı Jastarı»  bağdarlamasınıñ artıqşılığı payızdıq tölemniñ tömendiginde - kölemi 10 mln teñgege deyingi zaemğa jılına 5% jeñildik beriledi. Bağdarlama boyınşa nesieni qaytaru merzimi tölem qabiletine qaray jeke jasaladı,3 jıldan 25 jılğa deyin.

Bağdarlama ayasında jwmıs isteytin jastar ıntalandırıladı.Qala wyımdarında jwmıs isteytin jastardıñ är jılınıñ ötiline 1 ball esepteledi, al eger jas adam äleumettik salalada, mısalı mektepte nemese bala baqşada eñbek este onıñ eñbek ötiliniñ balı eki eselenedi. Äleumettik mümkindigi tömen jandar üşin de jeñildetilgen jağday jasalğan, olardıñ qatarına köp balalı otbasılar, 1 jäne 2 top mügedekteri, tolıq emes otbasılar, jetimder jäne basqaları kiredi.

Bağdarlamağa qatısu üşin  10 kün  işinde ötiniş beru qajet. Onı arnayı Almatı jastarı saytı arqılı jasauğa boladı. Avtorizaciya üşin jaqın mañdağı HQKO-dan elektrondı  cifrlı qoltañba  alu kerek.  Ötiniş qabıldau merzimi ayaqtalğan soñ qatısuşılardı irikteu bastaladı. Jeñildetilgen nesie aludıñ kandidattar pulına almatılıq jastarğa qoldau bildiretin «Almatı Jastarı» bağdarlamasınıñ barlıq kriyterileri boyınşa arnayı balldıq jüye arqılı iriktelgender enedi. Balğa nekede twrğan jılı, balalar sanı, jwmıs ötili men eñbek etetin jeri, jeke  käsipkerligi, Almatıda tirkelgen merzimi jäne basqaları ıqpal  etedi. Pul  tolıq jasalğannan keyin ğana «Twrğınqwrılısjinaqbanki» öz jwmısına kirisedi. Ol kandidattıñ tölem qabiletin tekserdi, sonan soñ  5 payızdıq jeñildetilgen zaemdi beredi. Jastarğa beriletin nesieniñ  jalpı kölemi - 10 mln teñge. Zaem  tek jaña üy satıp aluğa beriledi, päterdi bağdarlamağa qatısuşı özi tañdaydı.

«Almatı Jastarı»  bağdarlaması turalı tolıq mälimetti Almatı qalasınıñ Twrğın üy jäne twrğın üy inspekciyası basqarmasınıñ saytınan jäne «Qazaqstannıñ Twrğınüyjinaqwrılısbanki»AQ-nıñ saytınan jäne 300 i 8-8000-801-880 , +7 (727) 380 05 23, +7 (727) 380 05 02 telfondarı arqılı biluge boladı.

«Almatı Jastarı» bağdarlamasına qatıuşılarğa qoyılatın talaptar:

  1. Ötiniş beru kezide qatısuşı men onıñ jwbayınıñ jası 35 jastan aspauı tiis. Bağdarlamağa jwbaylardıñ tek bireui ğana qatısa aladı;
  2. Erli-zayıptılar men olardıñ otbası müşeleriniñ (eger olar otbası bolsa) Almatı qalasında 1 jıldıq twraqtı tirkeui boluı şart. Bağdarlamağa qatısuşınıñ jäne onımen birge twratın otbası müşeleriniñ Qazaqstan Respublikası aumağında jeke twrğın nemese arendalı üyleri bolmauı tiis.
  3. Bağdarlamağa qatısuşı Qazaqstan Respublikası aumağında soñğı 5 jıl işinde twrğın üy jağdayın ädeyi tömendetken faktisi  joq bolğanı jön;
  4.  jeke käsipkerlik boyınşa kem degende jartı jıldıq memlekettik tirkeui bar öz betinşe jwmıs isteytin qalalıqtar boluı kerek;
  5. Qatısuşınıñ Almatı qalasındağı jwmıs ötili jartı jıldan az bolmauı qajet. Bwl talaptar äleumettik jağdayı tömen jandarğa jürmeydi, olar:
  • 1 jäne 2 top mügedekteri;
  • Mügedek balaları bar jäne olardı tärbieleuşi otbasılar;
  • Ata-ana qarauınsız qalğan jetimder;
  • 4 jäne odan da köp kämeleketke jetpegen balaları bar otbasılar;
  • 1 jäne odan köp balaları bar tolıq emes otbasılar;

“The Qazaq Times”