Foto: Reuters

Germaniyanıñ İşki ister ministri Thomas De Maiziere mwsılmandar köp twratın aymaqtarda olardıñ dini merekelerin aymaqtıq deñgeyde atap ötudi wsındı. Hristian demokratiyalıq Odağı partiyasınıñ ökiliniñ wsınısı nemis qoğamında ekijaqtı pikir tudırıp, atalğan taqırıp töñiregindegi talastar üdedi. Bwl turalı Äl-Jazira aqparattıq agenttigi jazdı. 

Ötken ayda ötken federaldı saylauda jeñiske jetken Thomas De Maiziere mwsılmandar quana qabıldağan bastamasın eldiñ soltüstik-batısındağı Tömengi Saksoniyadağı saylaualdı kampaniyası kezinde kötergen bolatın. Ol öz sözinde: "Germaniyanıñ Konstituciyasına säykes, memlekettiñ 16 ştatı (aymağı) da atap ötiletin dini merekelerdi özderi tañdauğa qwqılı. Biz hristian dinindegi ataulı datalardı nazardan tıs qaldırmaymız. Nege mwsılmandardıñ da qasietti merekelerin toylamasqa?"- dedi.

Joğarıda atalğan partiyanıñ janınan qwrılğan odaqtas Hristian Socialdıq partiyası ministrdiñ bwl oyın qwptamadı. Olar Germaniyanı Hristian memleketi sanaydı jäne tarihi, dästürli negizderdi eskerip, özge dini merekelerdi toylaudı orınsız köredi.

Germaniyanıñ Social-Demokratiyalıq partiyasınıñ basşısı Martin Şul'z bwl bastamağa "oylanuğa twrarlıq eken" degen bağa berse, AFD partiyası tübegeyli qarsılıq bildirdi.

“The Qazaq Times”