Jılu mausımı kezinde Qazaqstanda kömir bağası birden 7%-ğa qımbattağan. Bwl turalı EnergyProm saraptama agenttigi habarladı. Sarapşılardıñ sözinşe, bağanıñ qımbattauı bwdan keyin de jalğasa beredi. 

Bir jıl işinde bağanıñ ösimi 19 payızdı qwrağan. Eskeretin jayt kömir men lignit öndiru 15 payızğa, onıñ işinde jılu üşin öndiriletin tas kömir 16 payızğa köbeygen.

2017 jıldıñ qırküyek ayındağı nätije boyınşa jılu mausımı kezinde ärbir qazaqstandıq bir tonna kömir üşin ortaşa eseppen 11 mıñ teñge jwmsağan jäne bwl tamız ayına qarağanda 6,6 payızğa jäne 2016 jıldıñ qırküyek ayımen salıstırğanda 18,9 payızğa joğarı.

Eñ joğarı bağa Aqtöbe qalasında. Mwnda bir tonna kömir 14,5 mıñ teñgeden satıladı. Sonday-aq, kömir qımbat qalalardıñ üştigine Astana (14,2 mıñ teñge), Oral (14 mıñ teñge) kiredi.

Bwdan bwrın  QR Energetika ministrliginiñ Atomdıq jäne energetikalıq qadağalau jäne baqılau komiteti Qazaqstandağı kömir bağasınıñ qımbattauın deldaldardıñ ayla-şarğılarımen jäne temir jol tarifteriniñ qımbattauımen tüsindirgen.

Alayda Energetika ministrliginiñ mälimetinşe, Qazaqstanda kömir tapşılığı joq. Sebebi kömir öndiruşi kompaniyalar osı jıldıñ 9 ayında 75,3 mln tonna kömir öndirip, işki narıqqa 55,8 mln tonna jetkizgen, onıñ 40,5 mln tonnası energiya öndiruşi käsiporındarğa jetkizildi. Kommunaldıq-twrmıstıq qajettilikke jäne halıqqa 8,0 mln tonna berilgen.

Ayta ketetin jayt, kömir şahtalarındağı bağa aytarlıqtay qımbattamağan. Mısalı, Sarıköl kömir kenişiniñ direktorı Qayrat Musin "jıl basınan beri bir tonna kömirdiñ satılu bağası özgermegenin jäne 3900 teñge bolğanın" aytadı. Kömirşilerdiñ sözinşe, künniñ erte suıtuına baylanıstı deldaldar bağanı eş negizsiz kötergen.

Ayta keteyik, qazan ayı bastalğalı beri Qazaqstanda mwnay önimderiniñ tapşılığına qatıstı daular köbeyip, tipti kömir tapşılığı da bayqala bastadı. Keybir sarapşılar mwnı manipulyaciyamen baylanıstırıp otır.

“The Qazaq Times”