14 qazan küni sağat  10:00-de «Almatı arena»  stadionında  Qazaq küresinen student-jastar arasında alğaş ret «Arlandar sayısı» Respublikalıq aşıq turniri ötedi.

Turnirge Astana, Almatı qalaları men 14 oblıstan 96 küresker qatısadı. Aşıq turnir erejesine säykes arlandar sayısına 18 ben 29 jas aralığındağı JOO studentteri jäne sport klubtarınıñ jas sportşılarınıñ qatısuına rwqsat etilgen.

Sportşılar olimpiada jüyesi boyınşa üş salmaq kategoriyasında (-60 kg, -74 kg, +90 kg) küresedi. Är salmaq kategoriyasınıñ jeñimpazdarı men jüldegerleri aqşalay sıylıqtar, medal'dar jäne gramotalarmen marapattaladı. Sonımen qatar, - 60 kg salmağındağı sportşılardı köteru jäne qoldau maqsatında jeñimpazğa  jeñil avtokölik sıyğa tartılmaq.

«Arlandar sayısı» wlttıq sporttı jastar arasında nasihattau arqılı patriottıq sezimdi damıtu, halıqaralıq arenada qazaq küresiniñ bedelin joğarılatu, orta jäne jeñil salmaqtı küresşilerdiñ şeberlikterin damıtu maqsatında jüzege asırılmaq.

Respublikalıq turnirdiñ aşılu saltanatında körermender nazarına qazaq küresiniñ payda bolu jäne damu jolın sipattaytın teatrlandırılğan qoyılım wsınıladı. Sonımen qatar,  wlttıq namıs pen jigerdi oyatatın ruhtı änderimen köpşilikke keñinen tanımal «Seriler», «Alaşwlı» toptarı jäne Qajımwrat Şeşenqwl sındı änşiler öner körsetedi.

“The Qazaq Times”