14 قازان كۇنى ساعات  10:00-دە «الماتى ارەنا»  ستاديونىندا  قازاق كۇرەسىنەن ستۋدەنت-جاستار اراسىندا العاش رەت «ارلاندار سايىسى» رەسپۋبليكالىق اشىق ءتۋرنيرى وتەدى.

تۋرنيرگە استانا، الماتى قالالارى مەن 14 وبلىستان 96 كۇرەسكەر قاتىسادى. اشىق تۋرنير ەرەجەسىنە سايكەس ارلاندار سايىسىنا 18 بەن 29 جاس ارالىعىنداعى جوو ستۋدەنتتەرى جانە سپورت كلۋبتارىنىڭ جاس سپورتشىلارىنىڭ قاتىسۋىنا رۇقسات ەتىلگەن.

سپورتشىلار وليمپيادا جۇيەسى بويىنشا ءۇش سالماق كاتەگورياسىندا (-60 كگ، -74 كگ، +90 كگ) كۇرەسەدى. ءار سالماق كاتەگورياسىنىڭ جەڭىمپازدارى مەن جۇلدەگەرلەرى اقشالاي سىيلىقتار، مەدالدار جانە گراموتالارمەن ماراپاتتالادى. سونىمەن قاتار، - 60 كگ سالماعىنداعى سپورتشىلاردى كوتەرۋ جانە قولداۋ ماقساتىندا جەڭىمپازعا  جەڭىل اۆتوكولىك سىيعا تارتىلماق.

«ارلاندار سايىسى» ۇلتتىق سپورتتى جاستار اراسىندا ناسيحاتتاۋ ارقىلى پاتريوتتىق سەزىمدى دامىتۋ، حالىقارالىق ارەنادا قازاق كۇرەسىنىڭ بەدەلىن جوعارىلاتۋ، ورتا جانە جەڭىل سالماقتى كۇرەسشىلەردىڭ شەبەرلىكتەرىن دامىتۋ ماقساتىندا جۇزەگە اسىرىلماق.

رەسپۋبليكالىق ءتۋرنيردىڭ اشىلۋ سالتاناتىندا كورەرمەندەر نازارىنا قازاق كۇرەسىنىڭ پايدا بولۋ جانە دامۋ جولىن سيپاتتايتىن تەاترلاندىرىلعان قويىلىم ۇسىنىلادى. سونىمەن قاتار،  ۇلتتىق نامىس پەن جىگەردى وياتاتىن رۋحتى اندەرىمەن كوپشىلىككە كەڭىنەن تانىمال «سەرىلەر»، «الاشۇلى» توپتارى جانە قاجىمۇرات شەشەنقۇل سىندى انشىلەر ونەر كورسەتەدى.

“The Qazaq Times”