Türik eliniñ basşısı Erdoğan. Foto: Al Jazeera.

Amerika Qwrama Ştatı men Türkiya jeksenbi küni bir-biriniñ immigrant emes azamattarına beretin vizaların toqtattı. Bwl Soltüstik Atlantikalıq Şart Wyımınıñ (NATO) odaqtastarı arasındağı ayırmaşılıqtı küşeytti. Sonday-aq, eki el arasındağı mıñdağan turisterge äser etui mümkin. Bwl turalı “WSJ” basılımınıñ resmi saytı jazdı.

«Şabuıldı» Qwrama Ştattıñ Ankaradağı elşiligi aldımen jolğa qoysa kerek. Sebebi, olardıñ jasağan mälimdemesinde «AQŞ tarabı Türkiya ükimetiniñ Qwrama Ştat elşilikteri aldındağı mindettemelerin qaytalau qaruına tura keledi» delingen. Bwl qayta qarau kezinde AQŞ elşilikterine keletin adamdardıñ sanın azaytu üşin, Türkiyadağı barlıq emigraciyasız vizalıq qızmetti toqtatatın bolğan.

Al, osıdan birneşe sağat ötkennen keyin Uaşingtondağı Türkiya elşiligi de osımen wqsas mälimdeme tarattı. Türik elşiliginiñ bergen mälimetinde de «soñğı kezderde bolğan oqiğalarğa baylanıstı qauipsizdik talaptarın qayta qarauğa tura keledi. Bwl üşin emigraciyağa jatpaytın viza beru qızmetin de uaqıtşa toqtata twruğa mäjbürmiz. Sonday-aq, bwl şeşim AQŞ-ta jäne Türkiya işinde beriletin barlıq vizalardı qamtidı» delingen.

“The Qazaq Times”