تۇرىك ەلىنىڭ باسشىسى ەردوعان. فوتو: Al Jazeera.

امەريكا قۇراما شتاتى مەن تۇركيا جەكسەنبى كۇنى ءبىر-ءبىرىنىڭ يمميگرانت ەمەس ازاماتتارىنا بەرەتىن ۆيزالارىن توقتاتتى. بۇل سولتۇستىك اتلانتيكالىق شارت ۇيىمىنىڭ (ناتو) وداقتاستارى اراسىنداعى ايىرماشىلىقتى كۇشەيتتى. سونداي-اق، ەكى ەل اراسىنداعى مىڭداعان تۋريستەرگە اسەر ەتۋى مۇمكىن. بۇل تۋرالى “WSJ” باسىلىمىنىڭ رەسمي سايتى جازدى.

«شابۋىلدى» قۇراما شتاتتىڭ انكاراداعى ەلشىلىگى الدىمەن جولعا قويسا كەرەك. سەبەبى، ولاردىڭ جاساعان مالىمدەمەسىندە «اقش تارابى تۇركيا ۇكىمەتىنىڭ قۇراما شتات ەلشىلىكتەرى الدىنداعى مىندەتتەمەلەرىن قايتالاۋ قارۋىنا تۋرا كەلەدى» دەلىنگەن. بۇل قايتا قاراۋ كەزىندە اقش ەلشىلىكتەرىنە كەلەتىن ادامداردىڭ سانىن ازايتۋ ءۇشىن، تۇركياداعى بارلىق ەميگراتسياسىز ۆيزالىق قىزمەتتى توقتاتاتىن بولعان.

ال، وسىدان بىرنەشە ساعات وتكەننەن كەيىن ۋاشينگتونداعى تۇركيا ەلشىلىگى دە وسىمەن ۇقساس مالىمدەمە تاراتتى. تۇرىك ەلشىلىگىنىڭ بەرگەن مالىمەتىندە دە «سوڭعى كەزدەردە بولعان وقيعالارعا بايلانىستى قاۋىپسىزدىك تالاپتارىن قايتا قاراۋعا تۋرا كەلەدى. بۇل ءۇشىن ەميگراتسياعا جاتپايتىن ۆيزا بەرۋ قىزمەتىن دە ۋاقىتشا توقتاتا تۇرۋعا ءماجبۇرمىز. سونداي-اق، بۇل شەشىم اقش-تا جانە تۇركيا ىشىندە بەرىلەتىن بارلىق ۆيزالاردى قامتيدى» دەلىنگەن.

“The Qazaq Times”