Foto: SecurityLab

Europa aumağında wstalğan eki birdey reseylik haker AQŞ-qa ekstradiciyalanuı mümkin – dep habarlaydı «Golos Ameriki» aqparat agenttigi.

Qazan ayınıñ 3-i küni Ispaniya Joğarı sotı Resey azamatı Petr Levaşovtı AQŞ-qa ekstradiciyalauğa kelisim bergen. AQŞ-ta Levaşovqa «Kelihos» virusın jasau arqılı bank şottarın bwzdı jäne komp'yuter bağdarlamalarına şabuıl jasadı» degen ayıptar tağılğan. Amerikalıq qwqıq qorğau organdarınıñ mälimetinşe, Petr Levaşov öziniñ «Kelihos» virusı arqılı älem boyınşa 100 mıñnan astam komp'yuterdi bir arnağa toğıstırıp, olardı basqarğan. Ol osı isteri üşin AQŞ zañına säykes 50 jılğa deyin bas bostandığınan ayırıluı mümkin.

AQŞ-pen qatar Ispaniya biligine Levaşovtı ekstradiciyalauğa baylanıstı ötinişti Resey de jibergen. Alayda Petr Levaşov ötken aptada öziniñ Reseydiñ arnayı qızmetiniñ oficeri ekenin, 10 jıl boyı «Edinaya Rossiya» partiyasına eldegi oppoziciziyalıq sayasatkerlerge baylanıstı aqparat jinap kelgendigi jayında mälimdegen. Osıdan keyin Ispaniya sotı Resey tarapınıñ ötinişin qarausız qaldırğan. Bwdan bölek Levaşov Ispaniya sotına egerde onı AQŞ-qa ekstardiciyalaytın bolsa, onda ol jerde oğan Amerika biligi qısım körsetui mümkin ekenin de aytqan. Biraq sot onıñ bwl sözderin negizsiz dep, Levaşovtı AQŞ-qa ekstradiciyalauğa kelisim bergen.

Al qazan ayınıñ 4-i küni Grekiya biligi tağı bir reseylik haker Aleksandr Vinnikti AQŞ-qa ekstradiciyalauı mümkin ekendigi jayında aqparat taratqan. Vinnikke AQŞ biligi kiberalayaqtıq arqılı 4 milliard dollar köleminde kriptovalyuta jımqırdı degen ayıp taqqan. Biraq ol tergeu barısında özin haker emes, qarapayım birja qızmetkerimin degen. Eger Grekiya sotı Vinnikti AQŞ-qa ekstradiciyalauğa rwqsat beretin bolsa, onda bwl jerde de Reseydiñ ötinişi qarausız qalatın boladı.

“The Qazaq Times”