Foto: Today.kz

Qaşağan iske qosılğalı beri şamamen 6,8 million tonna mwnay jäne 4 milliard tekşe metr gaz öndirilgen. Bwl turalı QR Energetika ministriniñ birinşi orınbasarı Mahambet Dosmwhambetov mälimdedi.

"Qazirgi uaqıtta öndirilip jatqan mwnay kölemi täuligine 200 mıñ barrel'den asadı. Şiki gazdı plastqa qayta aydau procesin oñtaylandırğannan soñ şiki mwnaydı öndirudi täuligine 370 mıñ barrel'ge deyin arttıru josparlanğan. Osı jılı boljaldı türde 8 million tonna mwnay men 4,5 milliard tekşe metr  gaz öndiriledi", - dedi Dosmwhambetov Almatıda ötken «Mwnay jäne gaz» KIOGE-2017 attı 25-şi qazaqstandıq halıqaralıq konferenciya kezinde.

Onıñ sözinşe, gazdı qayta aydau deñgeyin wlğaytu jobası önim kölemin arttıru maqsatında gazdı qayta aydauğa arnalğan qosımşa kompressorınıñ qwrılısı men qoldanıstağı kompressorlardı jañğırtudı közdeydi.

 

Ayta keteyik, bwğan deyin Energetika ministrligi biıl Qaşağannan 5 mln tonnadan astam mwnay men 3,1 mlrd tekşe metr gaz öndirilui mümkin ekenin habarlağan.

Al 2018 jılı ken ornında mwnay öndirudi 13 mln tonnağa jetkizu josparlanıp otır.

“The Qazaq Times”