Foto ğalamtor betterinen alındı.

Adam ağzasınıñ 80 payızı sudan twratını turalı derekti barlığı biledi. Biraq sudı köp ne az mölşerde paydalanbas üşin, onıñ ğalımdar belgilegen kündelikti norması jöninde ekiniñ biri habardar dep ayta almaymız. SNN Health jariyalağan sudıñ adam densaulığına paydası turalı maqalası bizdiñ nazarımızdı audarğan edi.

Sudı jii qoldanu ağzadağı kaloriyanı rettep, artıq salmaq jinaudan saqtandıradı. Öytkeni keyde qarnıñız aşqanın seze qalsañız, birden tamaqtanuğa asıqpay, jay ğana su işip köriñiz. Adam ağzası sudı qajet etken kezde, aştıq seziminiñ äseri bayqaluı mümkin.

Medicinanıñ Wlttıq Akademiyası er adamdarğa künine 3.7 l (15,6 şını), äyel adamdarğa 2.7 l (11,4 şını) su işuge keñes beredi. Su adam miınıñ jwmısın jaqsartıp, köñil-küyin köteredi, eñbek önimdiligin arttıradı.

Kündelikti sudı jetkilikti därejede qoldanu qan aynalımın jaqsartıp, jürek-qan tamırları aurularınıñ aldın aladı. Ağzadağı artıq infekciya men ziyandı toksinderdiñ şığuına äser etedi. Sudıñ özin işudi asa wnatpaytın adamdar, qwramında suı mol jemister men kökönisterdi jii paydalansa boladı. Mäselen, qiyar, qırıqqabat, säbiz, alma, t.b.

Sudı joğarıda körsetilgen qalıptı mölşerden artıq qoldanudıñ da ziyanı bar. "Su intoksikaciyası" dep atalatın process kezinde ağza artıq sudan arıla almay, denedegi twz mölşeri kürt tömendep ketedi.

Ğalımdar är tamaqtanğan sayın jäne jwmıs arasında su işip otıruğa keñes beredi. Sondıqtan öziñizben birge ärdayım bötelkede tazartılğan su alıp jürudi wmıtpañız.

“The Qazaq Times”