فوتو عالامتور بەتتەرىنەن الىندى.

ادام اعزاسىنىڭ 80 پايىزى سۋدان تۇراتىنى تۋرالى دەرەكتى بارلىعى بىلەدى. بىراق سۋدى كوپ نە از مولشەردە پايدالانباس ءۇشىن، ونىڭ عالىمدار بەلگىلەگەن كۇندەلىكتى نورماسى جونىندە ەكىنىڭ ءبىرى حاباردار دەپ ايتا المايمىز. سNN Health جاريالاعان سۋدىڭ ادام دەنساۋلىعىنا پايداسى تۋرالى ماقالاسى ءبىزدىڭ نازارىمىزدى اۋدارعان ەدى.

سۋدى ءجيى قولدانۋ اعزاداعى كالوريانى رەتتەپ، ارتىق سالماق جيناۋدان ساقتاندىرادى. ويتكەنى كەيدە قارنىڭىز اشقانىن سەزە قالساڭىز، بىردەن تاماقتانۋعا اسىقپاي، جاي عانا سۋ ءىشىپ كورىڭىز. ادام اعزاسى سۋدى قاجەت ەتكەن كەزدە، اشتىق سەزىمىنىڭ اسەرى بايقالۋى مۇمكىن.

مەديتسينانىڭ ۇلتتىق اكادەمياسى ەر ادامدارعا كۇنىنە 3.7 ل (15,6 شىنى), ايەل ادامدارعا 2.7 ل (11,4 شىنى) سۋ ىشۋگە كەڭەس بەرەدى. سۋ ادام ميىنىڭ جۇمىسىن جاقسارتىپ، كوڭىل-كۇيىن كوتەرەدى، ەڭبەك ونىمدىلىگىن ارتتىرادى.

كۇندەلىكتى سۋدى جەتكىلىكتى دارەجەدە قولدانۋ قان اينالىمىن جاقسارتىپ، جۇرەك-قان تامىرلارى اۋرۋلارىنىڭ الدىن الادى. اعزاداعى ارتىق ينفەكتسيا مەن زياندى توكسيندەردىڭ شىعۋىنا اسەر ەتەدى. سۋدىڭ ءوزىن ءىشۋدى اسا ۇناتپايتىن ادامدار، قۇرامىندا سۋى مول جەمىستەر مەن كوكونىستەردى ءجيى پايدالانسا بولادى. ماسەلەن، قيار، قىرىققابات، ءسابىز، الما، ت.ب.

سۋدى جوعارىدا كورسەتىلگەن قالىپتى مولشەردەن ارتىق قولدانۋدىڭ دا زيانى بار. "سۋ ينتوكسيكاتسياسى" دەپ اتالاتىن پروتسەسس كەزىندە اعزا ارتىق سۋدان ارىلا الماي، دەنەدەگى تۇز مولشەرى كۇرت تومەندەپ كەتەدى.

عالىمدار ءار تاماقتانعان سايىن جانە جۇمىس اراسىندا سۋ ءىشىپ وتىرۋعا كەڭەس بەرەدى. سوندىقتان وزىڭىزبەن بىرگە ءاردايىم بوتەلكەدە تازارتىلعان سۋ الىپ ءجۇرۋدى ۇمىتپاڭىز.

“The Qazaq Times”