Foto: YouTube

Resey qauipsizdik jäne äskeri-tehnikalıq kömek salasında Ortalıq Aziya elderiniñ bastı seriktesi – dep mälimdedi RF Sırtqı ister ministri Sergey Lavrov.

Sergey Lavrov «Rossiyskaya gazeta» basılımına jariyalağan «Rossiya – Central'naya Aziya: partnerstvo, ispıtannoe vremenem» attı maqalasında: «Resey soñğı 25 jılda Ortalıq Aziya elderine memleketaralıq kelisimderden bölek, WQŞQ (ODKB), Şanhay ıntımaqtastıq wyımı, TMD ayasında äskeri-tehnikalıq, terrorizmmen küres, qauipsizdik salaları boyınşa kömek körsetip keledi. Qazirgi tañda Irak pen Süriyadağı soğıstıñ ayaqtaluı men Auğanstandağı twraqsızdıqtıñ jaña deñgeyge köterilui Ortalıq Aziyağa ülken qauip töndirip twr. Osı arada joğarıda atalğan wyımdar men Resey kömeginiñ orını erekşe. Biz Ortalıq Aziya elderiniñ osı uaqıtqa deyin aymaqtıñ damuına qosqan ülesterin joğarı bağalaymız. Euraziyalıq ekonomikalıq odaq, Resey men Ortalıq Aziya elderi arasındağı qarım-qatınastıñ joğarı deñgeyde ekendiginiñ ayqın däleli. Qazaqstan men Qırğızstan atalmış wyımnıñ tolıqqandı müşesi. Qazir Euraziyalıq ekonomikalıq odaqtıñ jalpı işki önimi 2,2 trln dollardı qwraydı. EAEO bwl jay ğana odaq emes, ol–182 million twtınuşı» - dep jazğan.

Bwdan bölek Sergey Lavrov Reseydiñ osı uaqıtqa deyin Ortalıq Aziya elderine 20 mlrd dollar köleminde investiciya qwyğandığı jayında, aymaqta reseylik jäne birlesken 7,5 mıñ käsiporın jwmıs isteytindigi jayında aytqan. Sergey Lavrov atalmış maqalasında Ortalıq Aziya elderin maqtaudan basqa, olardıñ Reseyge qanşa qarız ekendigin de eskerte ketken. Lavrov mırzanıñ sözinşe, qazirgi tañda Qırğızstan Reseyge 488 mln, Özbekstan 856 mln dollar köleminde qarız. Bwl tizimniñ işinde Qazaqstan joq.

“The Qazaq Times”