Foto: Tengri MIX

QR Wlttıq ekonomika vice-ministri Serik Jwmanğarin osı aptada 2018 jıldan bastap Qazaqstanda kommunaldıq qızmet tarifteri josparlı türde qımbattaytının mälimdegen edi. Ol "Jaña jıldan bastap biz wzaq merzimdi jospar boyınşa tarifterdi kötere bastaymız. Biraq köp emes, bağanı köteru 10 payızdan aspaydı" degen. Negizi bwl mäsele jöninde qırküyek ayınıñ basında-aq, Prezident Nwrswltan Nazarbaev jalpı ükimet otırısında söz qozğap, "biz jılu men su tarifterin kötermesek, investorlar kelmeydi... Odan qorqudıñ (tarifterdi qımbattatu - red.) qajeti joq" degen. YAğni eldegi kommunaldıq tarifterdiñ qımbattauı Prezident mälämdemesine tikeley baylanıstı boluı mümkin. Bügin biz osığan baylanıstı Euraziyalıq ekonomikalıq odaqqa müşe elderdegi tarifterdiñ qanday ekenin bayqap kördik. 

Sonımen odaqqa müşe elderdiñ statistikalıq agenttikteriniñ mälimetterine sensek, elektr quatınıñ tiimdi bağası Qırğızstanda, jılu tarifteri boyınşa Belorus' arzan bolıp otır. Al  Reseyde  elektr jäne gazdı qospağanda qımbat tarifter twrğın üy kommunaldıq qızmettiñ barlıq türlerinde bayqaladı. Qımbat bağa boyınşa Armeniya aldıñğı orında twr.

Qazaqstanda suıq sudıñ kub metri ortaşa eseppen71,6 teñge, ıstıq sudiki 222 teñge. Al Reseyde atalğan körsetkişter 2-4 esege joğarı: säykesinşe, teñge ekvivalentimen  158,2 teñge jäne 807,5 teñgeni qwraydı.

Al Qırğızstanda ortaşa eseppen ärbir adam ayına suıq suğa 277 teñge, ıstıq suğa 1,5 mıñ teñge töleydi. Eger Qazaqstanda bir otbasında 3 adam twradı desek, olar ortaşa eseppen 7 kub metr suıq su jäne 5 kub metr ıstıq su jwmsaydı, sonda suıq suğa 501 teñge, ıstıq suğa 1,1 mıñ teñge tölenedi. Al Qırğızstanda bwl bağa 831 jäne 4,5 mıñ teñgeni qwraydı.

Qazaqstanda elektr quatı twtınu kölemine baylanıstı boladı. Energiyanı jwmsauda 100 kVt-qa ketetin ortaşa şığın 1,5 mıñ teñge, maksimaldı şığın 1,8 mıñ teñge. Bağa elektr peşterin qoldanğan jağdayda qımbat boladı.

Al Qırğızstanda bağa bizge qarağanda äldeqayda tömen. Bwl eldiñ bir ğana twrğını sağatına 700 kVt energiyadan az jwmsaytın bolsa, 100 kVt sağat üşin 378,07 teñge töleydi. Al eger 700 kVt-tan köp bolsa, 100 kVt sağat üşin 1,1 mıñ teñge qarjı jwmsaydı. Bwl EAEO elderi arasındağı eñ tömengi bağa.

Bwdan bölek Qazaqstanda gazdıñ kub metri ortaşa eseppen 17,05 teñgege bağalanğan. Belorus'ta jılu mausımı kezinde bağa bizdikinen säl ğana joğarı - 17,23 teñge. Alayda bwl elde jaz mezgilinde bağa kerisinşe qımbattap, şamamen gazdıñ kub metri 54,02 teñge boladı. Qırğızstanda bir adam gazğa ayına 807 teñge töleydi.

“The Qazaq Times”