Foto: Kapital.kz

Qazaqstandıqtardıñ depozittik wyımdardağı salımdarınıñ kölemi bir ayda özgermey (ösu 0,1%-ğa), 2017 jılğı tamızdıñ soñında 17 651,3 mlrd teñgeni qwradı. Bwl turalı Wlttıq banktiñ baspasöz qızmeti habarladı. 

Bas banktiñ mälimetinşe, zañdı twlğalardıñ depozitteri 9 614,0 mlrd teñgege deyin 0,9%-ğa qısqarıp, jeke twlğalardıñ depozitteri 8 037,3 mlrd teñgege deyin 1,2%-ğa wlğayğan.

Wlttıq valyutadağı depozitterdiñ kölemi 8 765,1 mlrd teñgeni (bir ayda 3,4%-ğa qısqardı) qwradı, şetel valyutasındağı depozitter 8 886,2 mlrd teñgege deyin 3,7%-ğa wlğaydı. Dollarlanu deñgeyi tamızda 50,3%-dı qwradı.

Zañdı twlğalardıñ wlttıq valyutadağı depozitteri 2017 jılğı tamızda 3,6%-ğa qısqarıp, 5 288,7 mlrd teñge boldı, şetel valyutasındağı depozitteri 4 325,4 mlrd teñgege deyin 2,7%-ğa (zañdı twlğalar depozitteriniñ 45,0%-ı) wlğaydı.

Jeke twlğalardıñ teñgemen depozitteri 3 476,5 mlrd teñgege deyin 3,1%-ğa
tömendedi, şetel valyutasımen depozitter 4 560,8 mlrd teñgege deyin 4,7%-ğa (jeke twlğalar depozitteriniñ 56,7%-ı) östi.

Merzimdi depozitter 12 333,3 mlrd teñgege deyin 2,7%-ğa östi. Olardıñ
qwrılımında wlttıq valyutamen salımdar 5 847,1 mlrd teñge, şetel valyutasımen salımdar 6 486,2 mlrd teñge boldı.

Banktik emes zañdı twlğalardıñ wlttıq valyutamen merzimdi depozitteri boyınşa ortaşa alınğan sıyaqı mölşerlemesi 8,0% (2016 jılğı jeltoqsanda – 10,5%), jeke twlğalardıñ depozitteri boyınşa 12,2% (12,2%) deñgeyinde qalıptastı.

Ayta keteyik, soñğı ayda wlttıq valyutanıñ teñgege qatıstı bağamı 2,7 payızğa älsirep, mwnı Wlttıq bank halıqtıñ şetel valyutasına swranıstıñ artıp ketuimen tüsindirgen edi.

 “The Qazaq Times”