Iraktağı türkimender. Foto: tnanews.net.

Irak kürdteri öziniñ territoriyalıq aumağına balaytın Kirkuk qalası etnikalıq türkimenderdiñ mekeni sanaladı. Türkiya «Anatolı» aqparattıq agenttiginiñ habarına qarağanda Kirkuktegi «Türkimen maydanı» türkimen şağın käsipkerler odağına belgisiz adamdar şabuıl jasağan. Bwl turalı «Türik tele-radio» qızmetiniñ resmi saytı jazdı.

Qazirge deyin şabuıldan zardap şekkender turalı mälimet joq. Oqiğa Kirkuktegi Musalla audanında bolğan. Türkimen şağın käsipkerler odağınıñ ğimaratına 150 metr jerde jarılıs jasağan. Qazirgi kezde Musalla policiya tarauları tergeu isin jürgizude.

Irak kürdteriniñ referendum ötkizuine baylanıstı osıdan birer kün bwrın Kirkute jüris-twrısqa şekteu qoyılğan bolatın. Kirkuk qalası talastağı öñir sanalatındıqtan, äri referendum ötkizetin aymaqtıñ işine qamtılğandıqtan mwndağı qauipsizdik şarası üşin uaqıtşa köşelerde jüruge şekteu jariyaladı. Bwl Kirkuktegi türkimen äkimşiligi jağınan jasalğan şara bolatın.

BWW-dan jetken ündeude referendumnıñ talastağı Kirkukti de qamtuı twraqtılıqtı bwzuğa jasalğan şara ekendigi turalı aytılğan.

“The Qazaq Times”