يراكتاعى تۇركىمەندەر. فوتو: tnanews.net.

يراك كۇردتەرى ءوزىنىڭ تەرريتوريالىق اۋماعىنا بالايتىن كيركۋك قالاسى ەتنيكالىق تۇركىمەندەردىڭ مەكەنى سانالادى. تۇركيا «اناتولى» اقپاراتتىق اگەنتتىگىنىڭ حابارىنا قاراعاندا كيركۋكتەگى «تۇركىمەن مايدانى» تۇركىمەن شاعىن كاسىپكەرلەر وداعىنا بەلگىسىز ادامدار شابۋىل جاساعان. بۇل تۋرالى «تۇرىك تەلە-راديو» قىزمەتىنىڭ رەسمي سايتى جازدى.

قازىرگە دەيىن شابۋىلدان زارداپ شەككەندەر تۋرالى مالىمەت جوق. وقيعا كيركۋكتەگى مۋساللا اۋدانىندا بولعان. تۇركىمەن شاعىن كاسىپكەرلەر وداعىنىڭ عيماراتىنا 150 مەتر جەردە جارىلىس جاساعان. قازىرگى كەزدە مۋساللا پوليتسيا تاراۋلارى تەرگەۋ ءىسىن جۇرگىزۋدە.

يراك كۇردتەرىنىڭ رەفەرەندۋم وتكىزۋىنە بايلانىستى وسىدان بىرەر كۇن بۇرىن كيركۋتە ءجۇرىس-تۇرىسقا شەكتەۋ قويىلعان بولاتىن. كيركۋك قالاسى تالاستاعى ءوڭىر سانالاتىندىقتان، ءارى رەفەرەندۋم وتكىزەتىن ايماقتىڭ ىشىنە قامتىلعاندىقتان مۇنداعى قاۋىپسىزدىك شاراسى ءۇشىن ۋاقىتشا كوشەلەردە جۇرۋگە شەكتەۋ جاريالادى. بۇل كيركۋكتەگى تۇركىمەن اكىمشىلىگى جاعىنان جاسالعان شارا بولاتىن.

بۇۇ-دان جەتكەن ۇندەۋدە رەفەرەندۋمنىڭ تالاستاعى كيركۋكتى دە قامتۋى تۇراقتىلىقتى بۇزۋعا جاسالعان شارا ەكەندىگى تۋرالى ايتىلعان.

“The Qazaq Times”