Foto: ic24.kz

Qazaqstandağı wlttıq kompaniyalar osı jıldıñ ekinşi toqsanında qañtar -naurız ayındağıday joğarı tabısqa jete almadı. Bwl turalı Finprom.kz saraptama agenttiginiñ zertteuinde aytılğan. 

2017 jıldıñ ekinşi toqsanında wlttıq kompaniyalardıñ qızmet körsetu jäne tauar öndirisi boyınşa tabısı 40,9 payızdan 13,8 payızğa deyin tömendep ketken. Osı jıldıñ säuir-mausım ayındağı körsetkiş bıltırğı jılmen salıstırğanda da tömen bolıp otır - 2016 jıldıñ ekinşi toqsanında wlttıq kompaniyalardıñ tabısı 22,2 payız deñgeyinde bolğan.

Tipti biılğı jıldıñ ekinşi toqsanında tabıs profilindegi  şığındar qısımı satılğan tauarlar men körsetiletin qızmetter qwnınan da joğarı bolğan - şığın 2017 jıldıñ birinşi toqsanımen salıstırğanda 18,2 payızğa jäne ötken jıldıñ ekinşi toqsanımen salıstırğanda 8,6 payız ğa arttı.

Kiriske qarağanda şığınnıñ köp boluı wlttıq kompaniyalardıñ tabıs deñgeyiniñ tömendeuiniñ bastı sebebi bolıp otır

Sonımen osı jıldıñ ekinşi toqsanında wlttıq kompaniyalar kirisiniñ jalpı kölemi 555,3 mlrd teñgege jetken - bwl 2016 jıldıñ säuir-mausım ayındağı kiris körsetkişinen bar bolğanı 3,7 payızğa artıq. Al şığını 488,1 mlrd teñge köleminde naqtılandı jäne bwl ötken jıldıñ ekinşi toqsanına qarağanda 11,3 payızğa artıq bolıp otır.

 

Ayta keteyik, soñğı kezderi Qazaqstan ekonomikası üşin wlttıq kompaniyalardıñ tiimsiz ekeni bayqalıp keledi. Öytkeni memleket qarızınıñ biraz böligi osı kompaniyalarğa tiesili. Osığan baylanıstı qazirgi kezde Qazaqstanda iri wlttıq kompaniyalardı jekeşelendiru jwmıstarı jürip jatır. QR Wlttıq ekonomika ministrliginiñ mälimetinşe, osınday respublikalıq menşikti jekeşelendiruden jäne wlttıq basqaru holdingteriniñ qwramına kiretin aktivterdi satudan 4-7 mlrd dollar şamasında tabıs tüsui mümkin.

 “The Qazaq Times”