Şağın biznestiñ tabısı arttı

2017 jıldıñ birinşi jartı jıldığı boyınşa Qazaqstandağı şağın biznes tabısı rekordtıq  somağa jetti. Salıq tölengenge deyin tabıs 981,6 mlrd teñge bolğan. Bwl 2016 jıldıñ qañtar-mausımdağı jalpı tabıs köleminen 29,6%-ğa joğarı.

Finprom.kz saraptama agenttiginiñ mälimetinşe, el ekonomikası birden älsirep ketpese, şağın biznestiñ tabısı 2016 jılğıdan da köp boluı mümkin. Bıltır korporativti tabıs salığı tölengenge deyin käsipkerlerdiñ taza körsetkiş 1,9 trln teñgeni qwrağan jäne bwl soma soñğı bes jıldağı eñ joğarğı körsetkiş bolğan.

Tabısı köbeygen sektorlardıñ biri - tau ken isimen aynalısıp jürgen şağın käsiporındar. Olar 159,3 mlrd teñge tabıs tapqan. Bölşek jäne köterme saudanıñ tabısı - 141,6 mlrd teñge.

2017 jıldıñ 6 ayı boyınşa şağın käsiporındardıñ jalpı kirisi 11,6 trln teñgeni qwradı. Bwl ötken jılğa qarağanda 29,3%-ğa köp. Agenttiktiñ aqparatınşa, 2010-2015 jıldar aralığında şağın biznestegi tüsim 6 trln teñgeden aspağan, al ötken jılı kiristiñ birden ösip ketui inflyaciyamen baylanıstı.

Eskeretin jayt, inflyaciya şağın biznes şığındarınıñ köbeyuine de äser etip otır. Osı jılı kişigirim biznes ökilderiniñ şığını 10,6 trln teñgege bağalanıp otır jäne ötken jılmen salıstırğanda 29,3%-ğa joğarı. Alayda kiristiñ biraz joğarı boluına baylanıstı şağın sektor oñ nätije körsete aldı.

Sonımen biılğı jılı  kirisi barınşa ösken şağın bizses salalarınıñ biri - su şaruaşılığı käsiporındarı (2,2 esege ösken), basqa qızmetterdiki 83% -ğa, qwrılıstiki 60% -ğa wlğayğan.

Degenmen agenttiktiñ mälimetterine süyensek, 2 toqsannıñ nätijesi boyınşa, Qazaqstanda käsipkerlerdiñ belsendiligi tömendep ketken. Özin jwmıspen qamtığan adamdar sanı 200 mıñğa qısqarğan.

“The Qazaq Times”