Soltüstik Koreyanıñ eñ joğarı basşısı Kim Joñ Un. Foto: twistedsifter.com.

AQŞ prezidenti Donal'd Tramptıñ BWW mäjilisinde Soltüstik Koreya turalı ayıptau sözine Soltüstik Koreya basşısı Kim Joñ Un (Kim Çen In/Kim Jong Un) bügin tañerteñ öz jauabın qaytardı. Ol sözinde osığan deyin bolıp körmegen qatañ şaralar qoldanudı qarastırıp jatqanın ayttı. Esteriñizde bolsa, Tramptıñ BWW mäjilisinde «AQŞ özin jäne odaqtastarın qorğauğa tura kelse, Soltüstik Koreyanı tolığımen joyıp jiberedi» degen bolatın. Bwl turalı «The Wall Street Journal» basılımı habarlap otır.

Soltüstik Koreyanıñ eñ joğarı basşısı Kim Joñ Un sol eldiñ Ortalıq Aqparat Agenttigi arqılı mälimdemesin tarattı. Ol sözinde: «Tramptıñ bwl aytqandarı otpen oynağanmen birdey. Ol prezident boluğa jaramaydı. BWW mäjilisindegi sözi aqılsız köşbasşınıñ jasağan aqımaqtığı», – dep bağaladı. Sonday-aq, ol AQŞ prezidenti söylegen sözinde mwnşalıq şekten şıqqanı onıñ qanday da bir qarımta şabuıl kütip twrğanın bildiretinin atap ötti. «Tramp bastapqıda qanday jauap kütkenin bilmeymin, biraq oğan oylamağan jauap qaytarıladı», – dedi KHDR basşısı.

Kim Joñ Un naqtı qanday qadamdar jasalatını turalı aşıp ayıtpadı. Alayda, ol AQŞ-tı aqılınan aljastıratınday jauap beretinin jetkizdi. Onıñ bwl sözderi alda Korey tübeginde jalğastı zımıran jäne yadrolıq sınaqtardıñ bolatının bildiredi.

Tramp öziniñ BWW Bas Assambleyasındağı alğaşqı söylegen sözinde, Soltüstik Koreya basşısın «zımıran adam» dep atağan edi. Oğan qosa «olar özderin ölimge iterip otır», «nağız swmıray rejim» degen sekildi laqaptar men ayıptaulardı aytqan edi.

Kim Joñ Un söz soñında Qwrama Ştattarınıñ prezidenti Birikken Wlttar Wyımınıñ mäjilisinde twrıp, egemendi memleketti tolığımen joyıp jiberetinin aytqan bolsa, bwl tärtipsizdiktiñ bayqağan qalıptı oylau qabileti bar adamdarğa da saqtıq pen tınıştıqtı eskeru kerek ekenin ayttı. Onıñ aytqısı kelgeni «özge elder de Tramp sındı AQŞ prezidentinen saqtanu kerek» degen söz bolsa kerek.

“The Qazaq Times”